سەنتەرێ گەشەپێدان بو کارى د وورکشوپەکێ دا مفا گەهاندە  65 قوتابییان


2020-02-19 10:57:51

 

لروژا دووشەمبى رێکەفتى 17/ 02/ 2020، رێکخەرێن بەرنامێ سەنتەرێ گەشەپێدان بو کارى لـ کولیژا تەکنیکى زانستێن پەترول و کانزا پروفیسورێ هاریکار قیس مصطفى عبدالقادر و  پەیمانگەها تەکنیکى یا زاخو مامووستا نازدار نزار ابراهیم وورک شوپەک ئەنجام دان لدور (پروگرامێ پێشخستنا شیانان، تەکنیکێن چاڤپێکەفتنێن کارى و چاوانیا نڤێسینا سى ڤى و نامەیێن کارى بشێوازەکێ کاریگەر)، بهەڤکارى دگەل سەروکێ پشکا جیولوجیا نەفتێ د. عمار عصام ادریس.

وورک شوپ ژ دوو بەشان پێک هاتبوو. د بەشێ ئێکێ دا، د. عمار هندەک شیرەتێن دان لسەر گرنگیا سى ڤى و نامەیێن کارى ژ بو مەرەما پێشکێشکرنێ بو کارەکێ دەستنیشانکرى. دهەمان دەم دا هندەک شیرەت و پێزانینێن گرنگ لسەر تەکنیکێن چاڤپێکەفتنێن کارى هاتنە پێشکێشکرن ژ لایێ م. نازدارێ ڤە.

دبەشێ دووێ یێ وورک شوپێ دا پ. هـ. قیس مصطفى پروسێسا پروگرامێ پێشخستنا شیانان بـ تێر و تەسەلى شروڤەکر دا کو قوتابى پێزانینان وەربگرن لسەر چاوانیا پێشکێشکرن و بەشداریکرن د پروگرامى دا. هەروەسا دا کو ئاگەهداریا قوتابییان بهێتە کرن کو بەشداریکرن د ڤى پروگرامى دا دڤێت لسەر بنەمایێ رێنمایێن وەزارەتێ بیت و یا ژ هەمیان گرنگتر دڤێت هەر قوتابییەک مەشقا خو ئەنجام بدەت لـ سێکتەرەکى کو بگونجیت دگەل بسپووریا وان.

هەژى گوتنێ یە کو 65 قوتابیێن قوناغا سێیێ و چارێ لـ پشکا جیولوجیا نەفتێ بەشدار ببون د ڤێ وورک شوپێ دا.         

© Copyright Duhok Polytechnic University (DPU) - All Rights Reserved

Website Admin: Sarbast Ali