(ماراثونه‌ك) و چەند چالاکیەک ب هەلکەفتا ١٨ شوباتێ هاتنە کرن
ب هەلکەفتا ١٨ شوباتێ روژا دامەزراندنا ئێکەتیا قوتابیێن کوردستانێ غاردانه‌كا درێژ (ماراثونه‌ك) و چەند چالاکیەک ل پەیمانگەها تەکنیکی یا ئامێدیێ هاتنە کرن.
ئەڤرو روژا سێ شەمبی رێکەفتی ١٨-٢-٢٠٢٠ ب ئامادەبوونا د.هکار زکی راگرێ پەیمانگەهێ و ماموستا و قوتابیێن پەیمانگەهێ روژا دامەزراندنا ئێکەتیا قوتابیێن کوردستانێ ل پەیمانگەها تەکنیکی یا ئامێدیێ ب چەند چالاکیەکان هاتە ساخکرن و پیروزکرن، ئاهەنگەک قەشەنگ هاتە گێران.
ل دەستپێکا رێورەسمێن ڤێ هەلکەفتێ غاردانه‌كا درێژ (ماراثونه‌ك) ل تونێلا ئامێدیێ تا پەیمانگەهێ ب بەشداربوونا چەند قوتابیێن پەیمانگەهێ هاتە کرن، د دوڤدا ئاهەنگەک ل هولا پەیمانگەهێ بو هەمی قوتابیان ب بەرهەڤبوونا راگر و ماموستایێن پەیمانگەهێ هاتە سازکرن، د ئاهەنگێ دا پشتی رێزگرتنێ ژ خوینا شەهیدێن کوردستانێ بەریکانەکا پسیارێن زانستی بو قوتابیان و شانوگەریەک کومێدی و چەند هوزانەک د ئاهەنگێ دا هاتن پێشکێشکرن، پاشان هەر سێ سەرکەفتیێن ئێکێ یێن غاردانا درێژ (ماراثون) ێ هاتنە خەلاتکرن و دیاری ب سەر سەرکەفتیێن بەریکانێ و شانوگەراندا ژی هاتنە دابەشکرن، هەروەسا شریناهی ژ لایێ لژنا ئێکەتیا قوتابیێن کوردستانێ ل پەیمانگەهێ ب سەر قوتابیاندا هاتنە دابەشکرن.
ل دوماهیێ ژی ب ئاهەنگ و دیلان و گوڤەندێ قوتابیان خوشحالیا خو بو ڤێ هەلکەفتێ دیارکرن.
راگەهاندنا پەیمانگەهێ