لژنا گرانتا لـ سەروکاتیا زانکویا پولیتەکنیکى یا دهوک کومبوونەک ئەنجام دا دگەل نوینەرێن رێکخراوا GIZ یا ئەلمانى


2020-01-29 12:20:20

لروژا چارشەمبى رێکەفتى 29/ 01/ 2020، لژنا گرانتا لـ زانکویا پولیتەکنیکى یا دهوک و بـ ئامادەبونا بەرێزان د. عمار عصام ادریس سەروکێ لژنا گرانتا و بەرێز م. محمد عبدالقادر احمد رێڤەبەرێ رێڤەبەریا پەیوەندیێن نیفدەولەتى و بەرێز م. بێوار سلیمان حاجى رێڤەبەرێ سەنتەرێ گەشەپێدان بو کارى کومبوون دگەل نوینەرێن رێکخراوا GIZ یا ئەلمانى بەرێزان ستیفانو نانى رێکخەرێ پروگرامێ ڤەژاندنا ژیانێ و پێسشڤەبرنا ئابوورى و بەرێز وەلید میکائیل فەرمانبەرێ ڤەژاندنا ژیانێ.

مەرەم ژ کومبوونێ خوشکرنا پەیوەندییان بو دگەل رێکخراوا ناڤبرى و گەنگەشەکرنا خالێن هەڤبەش و چاوانیا دروستکرنا هەڤکاریکرنێ دگەل زانکویێ ژبو پتر پشتەڤانیکرنا قوتابى و دەرچوویێن زانکویێ ژ لایێ پێشخستنا شیانێن و شارەزایێن بکارخستنێ و پەیداکرنا دەلیڤەیێن کارى. زێدەبارى گەنگەشەکرنا چەندین بابەتێن دى یێن گرێداى پێشخستنا شیانێن ستافێ ئەکادیمى یێ زانکویێ و هەروەسا چاوانیا بەردەوامیدان بـ پشتەڤانیکرنا ئاوارەیێن پارێزگەها دهوکێ.

لدوماهییا هەڤدیتنێ هەر دوو لایەن رازیبوون لسەر بەردەوامى دان بـ پەیوەندییان بهیڤییا رێکخستن و ئەنجام دانا کارێن هەڤبەش لـ پاشەروژەکا نێزیک.

 

راگەهاندنا كوليژا تەكنيكى يا زانستين پترول و كانزا - زاخو

© Copyright Duhok Polytechnic University (DPU) - All Rights Reserved

Website Admin: Sarbast Ali