ڤایروسێ کورونا و مەترسیێن وی د سمینارەکێ دا هاتنە بەحسکرن
ڤایروسێ کورونا و مەترسی و نیشان و چاوانیا خوپاراستنێ ژڤی ڤایروسی د سمینارەکێ دا ل پەیمانگەها تەکنیکی یا ئامێدیێ هاتنە بەحسکرن.
ئەڤرو روژا دووشەمبی رێکەفتی ٣-٢-٢٠٢٠ ب بەرهەڤبوونا راگرێ پەیمانگەهێ و هەژمارەکە زوور ژ ماموستا و فەرمانبەر و قوتابیێن پەیمانگەهێ، لژنا تەندروستی و سلامەتیا پیشەیی ل پەیمانگەها تەکنیکی یا ئامێدیێ سمینارەک ل سەر ڤایروسێ کورونا و جورێن وی ل هولا پەیمانگەهێ بو د.کامل رشید فارس بەرپرسێ پشکا خوپاراستنێ ل ساخلەمیا ئامێدیێ رێکخست.
د سمینارێ دا بەحسا مەترسی و نیشان و چاوانیا خوپاراستنێ ژ ڤایروسان هاتە کرن ب تایبەت ڤایروسێ کورونا کو بو ماوێ چەند روژەکانە ب شێوەیەکێ بەربەلاڤ ل چەند وەلاتێن جیهانێ بەلاڤبوویە ب تایبەت چینێ کو هەژمارەکە زوور ژ خەلکی ژبەر ڤی ڤایروسی مرینە و تا نها نەهاتیە کونترولکرن. ل دوماهیێ ژی بەرسڤا پرسێن ئامادەبوویان دا.
هەژی گوتنێ یە کو ئەڤ سمینارە ژ لایێ لژنا تەندروستی و سلامەتیا پیشەیی ل پەیمانگەها تەکنیکی یا ئامێدیێ ب هەماهەنگی دگەل رێڤەبەریا ساخلەمیا ئامێدیێ هاتبوو رێکخستن.
راگەهاندنا پەیمانگەهێ