نووچە

ئەڤرو رێکەفتى (11/1/2020) و ل کولیژا زمان / زانکویا سەلاحەددین، دان و ستاندن ل سەر ناما دکتورایێ یا (ارشد حیتو) ل ژێر ناڤێ (هێمایێن ئایینى دهۆزانا نویخوازا کوردیدا) هاتە کرن و پشتى بو دەمێ پێنچ دەمژمێریا ماموستایێ زانکۆیا پۆلیتەکنیکى یا دهۆک (ارشد حیتو)ى بەرەڤانى ژ ناما خو کرى ، لیژنا گەنگەشێ پلا زۆر باشا بلند پێ بەخشى.

دهێتە زانین : (ئه‌رشه‌د حیتو) وەک نڤیسه‌ر وڤه‌كوله‌ر ژى دهێتە نیاسین و ل سالا 1993 ده‌ست ب نڤیسینێ كریه‌ ، ئێكه‌م به‌رهه‌مێ وى ل سالا 2012 وه‌ك په‌رتۆك چاپ بویه‌ ، ژ دامه‌زرێنه‌رێن گۆڤارا گازى بوو ل دهۆكێ و سه‌رنڤیسه‌رێ گۆڤارا توڕه‌یا ئه‌ده‌بى بوو ل دهۆكێ و ئه‌ندامێ ده‌سته‌یا نڤیسه‌رێن گۆڤارا مه‌تین بوو هەروەسا ئه‌ندامێ بوردێ رێكخراوا كونكوردیا یا ئه‌مریكى بوو ل دهۆكێ و به‌رهه‌مێن وى ل گۆڤار و رۆژنامێن برایه‌تى وپه‌یمان والاهالى ومه‌تین وگازى وئه‌ڤرۆ و وار وپه‌یڤ به‌لاڤ بوینه‌ و ژبه‌ر رۆلێ وى یێ باش چه‌ندین جاران هاتیه‌ خه‌لاتكرن ، هەورەسا پشكدارى دژماره‌كا كونفرانس وفیسته‌ڤالێن وره‌وشه‌نبیرى دا كریه‌ و ژماره‌كا گۆتار وڤه‌كولینان ب زمانێن كوردى وعه‌ره‌بى به‌لاڤكرینه‌ و ناڤێ په‌رتوكا وى یا چاپا پێنجێ (كوردولوجى) یە و لسالا2019 هاتیە چاپکرن ژ وه‌شانێن زانكۆیا پولیته‌كنیكى یا دهۆك ، ماموستا (ارشد حیتو)ى ل سالا 2012 ماستەر ب بسپوریائەدەبێ کوردى وەرگریتە و دەمێ نوکە دا ماموستایێ وانەیا کوردولوجیێ یە ل زانکۆیا پولیتەکنیکى یا دهۆک و بو دەمێ ١١ سالایە ئەڤێ وانەیێ ل پەیمانگەها تەکنیکى یا دهوک و سنورێ زانکۆیا پولیتەکنیکى یا دهۆک دبێژیت .