رێبەرێ قوتابیان

1. قوتابی مافێ فێركرنێ یێ‌ هەی د ژینگەهەكا باش دا و هەمی پێدڤیێت فێركرنا نوی دابین كری بن ، وزانكو هەمی خزمەتێن داخازكری بو بجهبینیت .

2. قوتابی مافێ بكارئینانا هەمی رێكێن فێركرنێ یێن هاریكار وەك لابور وپەرتوكخانە و تورێن  ئەنترنێتێ یێن هەی ل زانكویێ ( وزانكو پێكولێ دكەت دڤی بواری دا كو كوالتیا ڤان پێدڤیا ل دویڤ ئاست وجورێن جیهانی بن ) .

3. قوتابی مافێ هەی كو خواندنا وی ل دویڤ دوماهیك كوهرینێن نوی د بواری بسپوریێن وی پروكرامێ خواندنا بریار دای ل زانكویێن هەرێمی بن (و زانكو پێكولێ  دكەت  بو گەشە پێدانا ڤان پروگراما ل دویڤ شیان  وگونجاتیێ دگەل  گوهرینێت دهێنە گرن لسەر بسپوریێن جورا وجور ل جیهانێ ) .

4. قوتابی ماڤێ هەی بدەستڤە ئینانا هە لسەنگاندنەكا زانستی و دادوەری ل دویڤ ئاستێ‌ وی زانستی ب رێكا سیستەمەكێ موكم ژ پروكرامێن ئەزموونی دا كو خەلەتیێن وی كیم ببن تا رادەكی و دادوەری بێتە ئەنجام دان دناڤ بەرا هەمی قوتابیان دا (زانكو سیستەمێ ئەزموونێن ئەلیكترونی ب رێڤە دبەت ب رێكا كومبیوتەرێن شیان بلند وپێكولێ دكەت ژ بو پێشڤە برنا ڤان پروگراما ) .

5. قوتابی ماڤێ هەی سالا خو یا خواندنێ پاش بێخیت لدویڤ سیستەم و راسپاردێن كارپێ كری و  گونجای دگەل ماوێ خواندنێ یێ دەست نیشان كری – د ڤی بابەتی دا دشێن قەستا راسپاردێن ئەزموونی یێن كارپێ كری بكەن . 

6. قوتابی مافێ هەی بو گرێدانا ئاهەنگا د هەلكەفتێن نشتیمانی وسەیرانێن زانستی یێن جوار وجور ب هەڤكاری دكەل ئێگەتیا قوتابیان هندی د شیان دا بن بەلێ كارتیكرنێ نەكەت لسەر رێڤە چوونا خواندنێ ب هەڤكاری دگەل راگریا كولیژێ‌ .

7. قوتابی مافێ هەی پشكداریێ بكەت د چالاكیێن وەرزشی وهونەری ورەوشەنبیری بو پێشڤەبرن و گەشەپێدانا خو ب هەڤكاری دكەل ئێكەتیا قوتابیان ب رێكا پشكا چالاكیێن نە كلاسی ، بەلێ ئەڤە هەمی كارتیكرنێ نەكەت لسەر رێڤە چوونا خواندنێ وب رازی بوونا راگریا  كولیژێ‌.

8. قوتابی مافێ هەی بو بكارئینانا رێژا نە ئامادە بوونا یاسایی وەك مولەت د كاودانێن تە نگاڤی دا وپێدڤی بەلێ زێدەتر ژ رادێ بلند یێ یاسایی لێ نەهێت وبێ كو بهێنە گرێدان ب نمرێن قوتابی ڤە ئەوێن ب دەست بخو ڤە ئیناین بو پتر پێزانینا قەستا راسپاردێن كاربێ كری بكەت .

9. قوتابی مافێ هەی بو بلند كرنا رێژا نە ئامادەبوونێ ل دەوامێ تا 15\\\\\\\\\\\\% ل دەمێ نە خوشیەكا  گران  و یا باوەری پێكری ب راپوورتێن نو ژداری و ل دەمێ زاروك بوونێ و مرنا ئێك ژ خێزانا قوتابی .