رویدان

په‌یمانگه‌ها ته‌كنیكى یا ئامێدیێ روژا ئالایێ كوردستانێ ل ناڤا په‌یمانگه‌هێ و ل ده‌رڤه‌ى په‌یمانگه‌هێ ژى لقایمقامیا ئامێدیێ به‌شدارى د بلندكرنا ئالایێ كوردستانێ دا كر و ل (باخچێ زاروكان) ل ئامێدیێ و ل ناڤا پێشمه‌رگه‌یان ئه‌ڤ روژه‌ پیروز و بلند راگرت و 350 ئالایێن به‌رسینگا هاتن به‌لاڤكرن.

روژا 17/12/2019 كو روژا ئالایێ كوردستانێ یه‌ ب ئاماده‌بوون و سه‌رپه‌رشتیا (م. بنار امین) هاریكارێ راگرێ په‌یمانگه‌ها ته‌كنیكى یا ئامێدیێ،ماموستا و فه‌رمانبه‌ر و قوتابیێن په‌یمانگه‌هێ ئه‌ڤ روژه‌ ب گێرانا چه‌ند چالاكیان به‌رز و بلند هاته‌ راگرتن و ساخكرن، دڤێ روژێ دا ئالایێ كوردستانێ دگه‌ل گوتنا سرودا ئه‌ى ره‌قیب هاته‌ بلندكرن، پاشان هه‌ژماره‌كا زور ژ ئالایێن كوردستانێ یێن به‌رسینگا ب سه‌ر ماموستا و فه‌رمانبه‌ر و قوتابیێن په‌یمانگه‌هێ هاتن دابه‌شكرن، چه‌ند هوزانه‌ك و سترانه‌ك ژى ژ لایێ قوتابیان ڤه ل سه‌ر ڤێ روژێ‌ هاتنه‌ گوتن، ل دوماهیێ ژى ب كه‌یف خوشیا ڤێ روژێ و د كه‌ش و هه‌وایه‌كێ خوش دا ماموستا و فه‌رمانبه‌ر و قوتابى ب هه‌ڤرا به‌شدارى گێرانا ئاهه‌نگ و دیلانان بوون.

هه‌روه‌سا ل هه‌مان روژ په‌یمانگه‌ها ته‌كنیكى یا ئامێدیێ ب هه‌ماهه‌نگى دگه‌ل رێڤه‌به‌ریا باخچێ زاروكان ل ئامێدیێ رۆژا ئالایێ كوردستانێ پیروز و بلند راگرت و چه‌ند چالاكیه‌ك ئه‌نجامدان، وه‌ك دابه‌شكرنا 160 ئالایێن كوردستانێ یێن به‌رسینگا ب سه‌ر قوتابیێن باخچێ زاروكان ل ئامێدیێ. هه‌روه‌سا هه‌ژماره‌كا ئالایێن كوردستانێ ژ لایێ راگریا په‌یمانگه‌هێ ڤه‌ ب سه‌ر پێشمه‌رگه‌یێن كوردستانێ هاتن دابه‌شكرن.

هه‌ژى گوتنێ یه‌ كو روژا 17/12 وه‌ك روژا ئالایێ كوردستانێ ب فه‌رمى ژ لایێ په‌رله‌مانێ كوردستانێ ڤه‌ هاتیه‌ دیاركرن و هه‌مى سالان ئه‌ڤ روژه‌ ل هه‌مى دام و ده‌زگه‌هێن حكومى و حزبى یێن هه‌رێمێ و هه‌روه‌سا ل گه‌له‌ك ناڤه‌ند و جهێن گشتى ل ده‌رڤه‌ى هه‌رێمێ ژى دهێته‌ ساخكرن و ئالایێ كوردستانێ دهێته‌ بلندكرن و چه‌ندین چالاكى بڤێ هه‌لكه‌فتێ دهێنه‌ گێران.

هه‌ر به‌رز و بلندبیت ئالایێ كوردستانێ. 

قه‌تران محمد

راگه‌هاندنا په‌یمانگه‌هێ