وەزیرێ خاندنا بلند سەرپەرشتیا کومبونا تایبەت یا سەنتەرێن زمانى یێن زانکویان کر  


2019-12-08 08:22:49

 

د. ئارام محمد قادر وەزیرێ خاندنا بلند و ڤەکولینێن زانستى راگەهاند بو بەرزکرنا ئاستێ زانستى ل سەنتەرێن زمانى یێن زانکویێن کوردستانێ دێ هەڤکار و پشتەڤان بین و دێ بەردەوامیێ دەینە خولێن تمامکرنێ و دێ بەرهەڤیان ژى بو خولێن فێرکرنێ کەین..

دچارچوڤەیێ لیژنا تایبەت یا پێداچونێ ب مەرج و رێنمایێن زمانێ ئینگلیزیێ دا ، ئەڤرو رێکەفتى  (٨/١٢/٢٠١٩) ب ئامادەبونا د. ئارام محمد قادر وەزیرێ خاندنا بلند و ڤەکولینێن زانستى و د. محمد حسێن سەرۆکێ دەزگەهێ سەرپەرشتى و دڵنیایى جۆرى و سەرۆکێ لێژنا تایبەت یا پێداچونێ ب مەرج و رێنمایێن زمانێ ئینگلیزیێ و سەرپەرشتێ سەنتەرێن زمانى بو کاروبارێن زانستى و خاندنا بلند ، و د. سەردار بەحرى رێڤەبەرێ سەنتەرێ زمان ل زانکویا پولیتەکنیکى یا دهوک کومبونەکا تایبەت ب بەردەوامیا خولێن تەمامکەر و بەرهەفکرنێ بو خولێن فێرکرنێ و پرسیارێن داخازکریێن بەرزکرنا ناسناڤێ زانستى ل گشت سەنتەرێن زمانى یێن زانکویا هاتە ل دیوانا وەزارەتێ هاتە کرن

دڤێ کومبونێ دا ژبلى بابەتێن زانستى و کارگیرى یێن سەنتەرێن زمانان ، بریار دا کو دناڤەراستا ڤێ هەیڤێ دا خولێن تمامکرنێ بو پشکدارێن سەنتەرێن زمانى بێهێنە ڤەکرن و هەروەسا ناف نڤیسین ژى د هەمان دەم دا بیت و نڤیسینا ناڤان بو خولا فێرکرنێ دێ لدویف رێمایێن نوى بیت یێن بو سەنتەرێن زمانان هاتینە دارشتن و کو یا پێک هاتیە ژ ئەزمونا دیارکرنا ئاستى ، و سەبارەت داخازکرێن ناسناڤێ زانستى یێن بەشدار بوى بریار پێتڤى بو هاتە دان و ل دووماهیێ وەزیرێ خاندنا بلند دەست خوشى ل رێکخەرێن سەنتەرێن زمانى و لیژنا نافهاتى کر ژبو پێشڤەبرنا ئاستێ زانستى ل هەرێما کوردستانێ

© Copyright Duhok Polytechnic University (DPU) - All Rights Reserved

Website Admin: Sarbast Ali