رویدان

ئه‌ڤرو روژا دووشه‌مبى رێكه‌فتى 2/12/2019 ل هولا په‌یمانگه‌هێ و ب ئاماده‌بوونا د.هكار زكى راگرێ په‌یمانگه‌هێ، د.شاكرعبدالعزیز رێڤه‌به‌رێ ته‌ندروستیا ئامێدیێ، عبدالواحد هێتیتى كارگێرێ لقا 18 یا پارتى، عوثمان عبدالله‌ به‌رپرسێ لژنا ناوچا ئامێدیێ و هه‌ژماره‌ك زور ژ ماموستا و قوتابیێن په‌یمانگه‌هێ باوه‌رنامێن به‌شداربوونێ ب سه‌ر 32 قوتابیێن به‌شدار د خولا هه‌وارهاتنا ده‌ستپێكى دا ئه‌وا ل په‌یمانگه‌ها ته‌كنیكى یا ئامێدیێ هاتیه‌ ڤه‌كرن، هاتنه‌ دابه‌شكرن.

هه‌روه‌سا ناڤه‌ندا بالا یا ئامێدیێ  سێ دیارى دانه‌ راگرێ په‌یمانگه‌ها ته‌كنیكى یا ئامێدیێ و رێڤه‌به‌ریا ته‌ندروستیا ئامێدیێ و دختور احمد صلاح كو هه‌ڤكار و هاریكاربوونه‌ دڤێ چالاكیێ دا. راگریا په‌یمانگه‌هێ ژى دیاریه‌ك دا دختور احمد صلاح كو هه‌وارهاتنا ده‌ستپێكى برێڤه‌برى

هه‌ژى گوتنێ یه‌ كو ئه‌ڤ خولا هه‌وارهاتنا ده‌ستپێكى ل 26و27 مه‌ها11/2019 بو قوتابیێن په‌یمانگه‌ها ته‌كنیكى یا ئامێدیێ ب هه‌ڤكارى دگه‌ل رێڤه‌به‌ریا ته‌ندروستیا ئامێدیێ و ناڤه‌ندا لاوان یا ئامێدیێ، ژ لایێ دختور احمد صلاح بسپور ب نه‌شته‌رگه‌ریێن گشتى هاتبوو ڤه‌كرن و پێشكێشكرن، دڤێ خولێدا ب شێوێ تیورى و پراكتیكى هه‌وارهاتنا ده‌ستپێكى بو قوتابیان هاتبوو شروڤه‌كرن و گوتن و مفایه‌كێ باش ژێ هاتبوو وه‌رگرتن، ئه‌ڤروژى د رێوره‌سمه‌كێ هه‌ژى دا باوه‌رناما به‌شداربوونێ د خولێ دا ب سه‌ر 32 قوتابیێن به‌شدار هاتنه‌ دابه‌شكرن.

راگه‌هاندنا په‌یمانگه‌هێ