رویدان

روژا جیهانى یا نه‌خوشیا ئایدزێ ل په‌یمانگه‌ها ته‌كنیكى یا ئامێدیێ هاته‌ ساخكرن و سمیناره‌ك ل سه‌ر ڤێ نه‌خوشیێ بو قوتابیێن په‌یمانگه‌هێ هاته‌ پێشكێشكرن، هه‌روه‌سا روژا ئێك شه‌مبى 1/12 كو روژا جیهانى یا نه‌خوشیا ئایدزێ یه‌ ب چه‌ند دروشمه‌كان ژ لایێ قوتابیان ڤه‌ ئه‌ڤ روژه‌ ل په‌یمانگه‌هێ هاتبوو ساخكرن.

ئه‌ڤرو روژا دووشه‌مبى رێكه‌فتى 2/12/2019 ب هه‌لكه‌فتا روژا جیهانى یا نه‌خوشیا ئایدزێ كو روژا 1/12 یه‌، سمیناره‌ك بو به‌رێز دختور احمد صلاح بسپور د نشته‌رگه‌ریێن گشتى دا ل په‌یمانگه‌ها ته‌كنیكى یا ئامێدیێ هاته‌ رێكخستن، ئه‌ڤ سمیناره‌ ب ئاماده‌بوونا د.هكار زكى راگرێ په‌یمانگه‌هێ، د.شاكر عبدالعزیز رێڤه‌به‌رێ ته‌ندروستیا ئامێدیێ، عبدالواحد هێتیتى كارگێرێ لقا 18 یا پارتى، عوثمان عبدالله‌ به‌رپرسێ لژنا ناوچا ئامێدیێ و هه‌ژماره‌ك زور ژ ماموستا و قوتابیێن په‌یمانگه‌هێ برێڤه‌چوو، د سمینارێ دا به‌حسا مه‌ترسیا ڤێ نه‌خوشیێ و ئه‌گه‌رێن توشبوونێ و چاوانیا خو پارستنێ ژڤێ نه‌خوشیێ هاته‌ كرن، هه‌روه‌سا به‌حسا چه‌ندین ئاماران كر كو سالانه‌ خه‌لك ل جیهانێ توشى ڤێ نه‌خوشیێ دبن.هه‌روه‌سا دوهى ژى ب چه‌ند دروشمه‌كان ئه‌ڤ روژه‌ ل په‌یمانگه‌هێ هاتبوو ساخكرن.

ل دوماهیێ ژى گوتوبێژ و گه‌نگه‌شه‌ ل سه‌ر ڤێ نه‌خوشیێ و مه‌ترسى و ئه‌گه‌رێن په‌یدابوونا وێ هاته‌ كرن و دختور احمد صلاح بسپور د نه‌شته‌رگه‌ریێن گشتى دا به‌رسڤا پرسێن ئاماده‌بوویان دا.

راگه‌هاندنا په‌یمانگه‌هێ