دوو سمینار ل سه‌ر به‌رهه‌نگاربوونا توندوتیژى یا دژى ژنان ل په‌یمانگه‌ها ته‌كنیكى یا ئامێدیێ هاتن پێشكێشكرن
ل روژا جیهانى یا به‌رهه‌نگاربوونا توندوتیژى یا دژى ژنان، په‌یمانگه‌ها ته‌كنیكى یا ئامێدیێ ب هه‌ڤكارى دگه‌ل ئێكه‌تیا قوتابیێن كوردستانێ لقێ ئامێدیێ و ئه‌نجومه‌نێ ئامێدیێ یێ ئێكه‌تیا ئافره‌تێن كوردستانێ دوو سمینار ل سه‌ر به‌رهه‌نگاربوونا توندوتیژى یا دژى ژنان ل هولا په‌یمانگه‌هێ پێشكێشكرن.
ئه‌ڤرو روژا دووشه‌مبى رێكه‌فتى 25/11/2019 ب ئاماده‌بوونا د.هكار زكى راگرێ په‌یمانگه‌هێ و نونه‌رێ لقا هه‌ژده یا پارتى و به‌رپرسێ لژنا ناوچا ئامێدیێ و ئه‌ندامێن ئێكه‌تیا قوتابیێن كوردستانێ لقا ئامێدیێ و ئه‌نجومه‌نێ ئامێدیێ یێ ئێكه‌تیا ئافره‌تێن كوردستانێ و هه‌ژماره‌كا زور ژ ماموستا و قوتابیێن په‌یمانگه‌هێ، روژا جیهانى یا به‌رهه‌نگاربوونا توندوتیژى یا دژى ژنان ل په‌یمانگه‌هێ ب دوو سمیناران هات ساخكرن، سمینارا ئێكێ ژ لایێ ڤه‌كوله‌رێ ده‌رونى به‌رێز (دژوار ئه‌نوه‌ر) ڤه هاته پێشكێشكرن، سمینارا دوویێ ژى ژ ئالیێ دكتوره سوزان ئیبراهیم ئامێدى ڤه هاته پێشكێشكرن، د هه‌ردوو سمیناران دا به‌حسا سه‌به‌ب و ئه‌گه‌رێن توندوتیژیێ دناڤا خێزانان دا و جورێن توندوتیژیێ ل دژى ئافره‌تان و ژنان هاته كرن هه‌روه‌سا به‌حسا وێ یه‌كێ هاته كرن كو چ بهێته كرن بو به‌رهه‌نگاربوونا توندوتیژیێ ل دژى ژنان و چاوا ره‌فتار و سه‌ره‌ده‌رى بهێته كرن بو نه‌هێلان و به‌رهه‌نگاربوونا هه‌ر توندوتیژییه‌كێ، هه‌ر توندوتیژییه‌كێ ژ چ یا جه‌سته‌یى بیت یان یا ده‌رونى چ كارگه‌ریێن خراب ل سه‌ر ژنێ هه‌نه.
ل دوماهیێ ژى گفتوگو و گوتوبێژ دناڤبه‌را ئاماده‌بوویان و به‌رێزێن سمینار پێشكێشكرى هاته كرن و به‌رسڤا پرسێن ئاماده‌بوویان هاته دان.
قه‌تران محمد
ل راگه‌هاندنا په‌یمانگه‌هێ