رویدان

روژا ئێك شه‌مبى  رێكه‌فتى 17/11/2019 ب ئاماده‌بوونا هاریكارێ راگرى و هه‌ژماره‌ك ژ ماموستا و قوتابیێن په‌یمانگه‌هێ قاره‌مانیا سالانه‌ یا ته‌پا پێ یا بچیككرى ل په‌یمانگه‌ها ته‌كنیكى یا ئامێدیێ ده‌ستپێكر.

قاره‌مانیا ئه‌ڤ ساله‌ یا په‌یمانگه‌هێ ژ هه‌شت تیمان پێك دهێت و ماموستا و قوتابێن هه‌مى پشكێن په‌یمانگه‌هێ یێن سپێده‌ و ئێڤاران تێدا به‌شدارن و ب هاریكاریا ناڤه‌ندا بالا یا ئامێدیێ ژلایێ دابینكرنا یاریگه‌هێ ڤه‌ برێڤه‌دچیت.

ئێكه‌م یارى ژ قاره‌مانیا ئه‌ڤ ساله‌ دناڤبه‌را تیما كارگێرى كار قوناغا ئێكێ و ئایتى قوناغا ئێكێ برێڤه‌چوو پشتى هه‌ڤركییه‌كا دژوار دناڤبه‌را واندا تیما كارگێرى كار ب لێدانا جه‌زایان ب (2-1) گولا ب سه‌ر تیما ئایتى سه‌ركه‌فت.

هه‌روه‌سا یاریا دوویێ ژ قاره‌مانیێ دناڤبه‌را تیما شروڤه‌كرنا نه‌خوشیان قوناغا دوویێ و تیما كارگێرى گه‌شتیارى قوناغا دوویێ هاته‌ كرن و د ئه‌نجامدا شروڤه‌كرنا نه‌خوشیان ب (3-0) گولا ب سه‌ر كارگێرى گه‌شتیارى دا سه‌ركه‌فت.

راگه‌هاندنا په‌یمانگه‌هێ