پیروزباهى ل قوتابیێن نوو هاته‌ كرن و رێنمایێن به‌شێن ناڤخوویى بو هاتن گوتن


2019-11-11 01:24:14

راگرێ په‌یمانگه‌هێ پیروزباهى ل قوتابێن قوناغا ئێكێ كر و هیڤیا سه‌ركه‌فتنێ بو خواست، به‌رپرسا به‌شێن ناڤخویى ژى ژبلى پیروزباهیێ، رێنمایێن به‌شێن ناڤخویى بو قوتابیان گوتن.

ئه‌ڤرو روژا دووشه‌مبى رێكه‌فتى 11/11/2019 ل هولا په‌یمانگه‌هێ، د.هكار زكى راگرێ په‌یمانگه‌هێ دگه‌ل قوتابێن قوناغا ئێكێ كومبوو بخێرهاتنا وان كر و سالا نوویا خواندنێ ل هه‌مى قوتابێن نوو هاتینه‌ وه‌رگرتن پیروزكر و هیڤیا سه‌ركه‌فتنێ بو هه‌میان خواست و داخاز ژێ كر كو پێگیریێ ب ده‌وامێ بكه‌ن و رێزێ ل ماموستا و فه‌رمانبه‌ران بگرن، هه‌روه‌سا داخاز ژى كر كو گرنگیێ ب خواندنا خوه‌ بده‌ن و به‌رهه‌مێ ره‌نجا خوه‌ یا چه‌ندین سالێن خواندنێ ب ده‌ست ڤه‌ بینن.

هه‌روه‌سا ماموستا سوزان به‌رپرسا پشكێن ناڤخویى ل په‌یمانگه‌هێ ژبلى پیروزباهیێ ل قوتابیان رێنمایێن به‌شێن ناڤخویى بو قوتابیێن به‌شێن ناڤخویى یێن كچان و كوران گوتن و داخاز ژێ كر كو پێگیرى رێنمایان بن، به‌روڤاژى هه‌ر كه‌سێ سه‌رپێچیا وان رێنمایان بكه‌ت دێ ل گور رێنمایان سه‌ره‌ده‌رى دگه‌ل هێته‌ كرن و سزادان، رێنمایى ژى وه‌ك چاڤدێری و پاراستنا كه‌ل و په‌ل و به‌شێن ناڤخویى و چونه‌ ژور و ده‌ركه‌تنا قوتابیێن كچ ل ده‌مژمێر پێنجێ ئێڤارى و قه‌ده‌غه‌یا مێڤانان بو به‌شێن ناڤخویى و قه‌ده‌غه‌یا مه‌شروبێ و چه‌ندین رێنمایێن دى...

ل دوماهیێ ژى گولێن سور و شریناهى ب سه‌ر قوتابیاندا هاتنه‌ دابه‌شكرن

راگه‌هاندنا په‌یمانگه‌هێ

© Copyright Duhok Polytechnic University (DPU) - All Rights Reserved

Website Admin: Sarbast Ali