ڕێنمایێن خواندنا ماسته‌ر و دكتۆرایێ هاتنە راگەهاندن
وه‌زیرێ خواندنا بلند و ڤه‌كۆلینێن زانستى ڕێنمایێن خواندنا بلند (ماسته‌ر و دكتۆرایێ) بۆ سالا خواندنا (2019ـ2020) ب به‌رچاڤ وه‌رگرتنا كوالێتیا خواندنێ و ڕه‌خساندنا ده‌رفه‌تێن وه‌هه‌ڤ و یه‌كسان بۆ خوازیارێن خواندنا بلند ئیمزا كرن.
د كۆمبوونا ژماره (5) یا ئه‌نجوومه‌نێ وه‌زاره‌تێ كو ل ڕێكه‌ڤتيێن (1/10/2019) و (6/10/2019) هاتییه ئه‌نجامدان و تێدا ڕێنمایێن خواندنا بلند (ماسته‌ر و دكتۆرایێ) بۆ سالا خواندنێ (2019ـ2020) ل زانكۆیێن هه‌رێما كوردستانێ په‌سه‌ند كرین، ئه‌ڤرۆ ل ڕۆژا ئێكشه‌مبێ ڕێكه‌ڤتى (27/10/2019) به‌رێز دكتۆر (ئارام محه‌مه‌د قادر) وه‌زیرێ خواندنا بلند و ڤه‌كۆلینێن زانستى ده‌قێ ڕێنمایان ئیمزا كر.