زانكۆیا پۆلیتەكنیكی یا دهوک زێدەتر ژ پێنچ هزار قوتابیان وەرگرتینە


2019-10-17 01:34:55


پشتى ناڤێن قوتابیێن دەرچویان ژلایێ وەزارەتا خاندنا بلند و ڤەکولینێن زانستى یا حكومەتا هەرێما كوردستانێ هاتینە راگەهاندن و لدیف پلانا وەرگرتنا قوتابیان ل زانكۆیێن هەرێما كوردستانێ ، زانكۆیا پۆلیتەكنیكی یا دهوک وەک پروسێسەکا سالانە دەرگەهێن تومارێن هەر شەش کولیژێن تەکنیکى و هەر هەشت پەیمانگەهێن سەر ب زانکویێ ڤە بەرامبەر قوتابیان ڤە کرن ژ بو پێشوازی لێکرنێ و تومارکرنێ ، و بو ئەف سالە زێدەتر ژ  ٥٠٠٠ پێنچ هزار قوتابیان ژ هەر دوو رەگەزان ل زانکویا پولیتەکنیکى یا دهوک هاتینە وەرگرتن .
دەربارەى ڤێ ژمارا قوتابیان (د. نوزت صادق احمد) رێڤەبەرێ تومارا گشتى ل زانکویا پولیتەکنیکى یا دهوک گوت : رێڤەبرنا کارێن قوتابیان ل دەمێ وەرگرتنێ جهێ خوشحالیا مەیە ، و هەلبەت وەرگرتنا ڤێ رێژا زور یا قوتابیان بو ساڵا خاندنێ ٢٠١٩-٢٠٢٠ ل زانكۆیا پۆلیتەكنیكی یا دهوک ب گشت کولیژ و پەیمانگەهێن خو یێن تەکنکى ڤە کو ژمارا وان گەهشتیە زێدەتر ژ ٥٠٠٠ پێنچ هزارا و دبیت ٦٠٠٠ هزاران ژى دەرباز کەت، ئەف ژمارە  دبێتە ڕێژەیا ١٠\\\\\\\% یا وەرگرتنا گشت قوتابیێن ل زانکویێن هەرێما کوردستانێ هاتینە وەرگرتن ، د. نوزت ئەو چەندە ژی دیار کر سەربارى هەبونا قەرەبالغەکا مەزن یا روژانە بەلێ ستافێ رێڤەبەریا تومارا گشتى روژانە هەر ژ دەمژمێر ٨:٠٠ سپێدێ هەتا ٥:٠٠ ئێڤارێ دخزمەتا قوتابیان دانە و کاردکەن ژبو برێڤەبرنا مامەلەیێن قوتابیان ، و دێ ب هەمى شیانێن خو بزاڤێ کەین د دەمەکێ کورت دا کاروبارێن یاسایی یێن قوتابیان جێبەجێبکەین و قوتابى ب زیترین دەم دەست ب دەواما خو یا فەرمى بکەن .

© Copyright Duhok Polytechnic University (DPU) - All Rights Reserved

Website Admin: Sarbast Ali