رویدان

 گه‌را چاردێ یا ده‌رچوونا قوتابیێن په‌یمانگه‌ها ته‌كنیكى یا ئامێدیێ برێڤه‌چوو و تێدا 304 قوتابى ژ هه‌شت پشكێن زانستى ده‌رچوون

ل ژێر درۆشمێ ((زانین ئایندێ گه‌ل و وه‌ڵاتى یه‌)) ئاهەنگا ده‌رچوونێ یا قوتابیێن په‌يمانگه‌ها ته‌كنيكی ئامێدیێ گه‌را (14)ێ و گەرا (7) یا زانكۆيا پوليته‌كنيكی يا دهۆك يا سالا ۲۰۱8-۲۰۱9 ل پەیمانگەهێ هاتە گێران.

روژا سێ شه‌مبى رێكه‌فتى 15/10/2019 و ب ئاماده‌بوونا به‌رێزان (د.رجب ابراهیم) هاریکارێ سه‌روكێ زانكۆيێ بۆ كاروبارێن قوتابیان و دەڤەردارێ ئامێدیێ و به‌رپرسێ لقا 18 یا پارتى و چه‌ندين رێڤه‌به‌رو به‌رپرسێن دام و ده‌زگه‌هێن ميری و حزبی و مامۆستا و کەس و کارێن قوتابیان ئاهه‌نگا ده‌رچوونا قوتابیان ل په‌یمانگه‌هێ هاته‌ گێران.

 دڤێ گەرا دەرچوونێ دا 304 قوتابی ل هه‌ر هه‌شت پشکێن زانستی یێن په‌یمانگه‌هێ (کارگێری گەشتیاری، شروڤەکرنا نەخوشیان، کارگێری كار، تەکنولوجیا زانیاریان (ئایتی) سپێدەیان، ئامارو زانیارى، سامانێ ئاژه‌لى، تەکنولوجیا زانیاریان (ئایتی) ئێڤاران، کارگێری کار ئێڤاران) ل پەیمانگەهێ دەرچوون و تەڤلی کاروانێ ئاڤەدانی و ڤەژاندنا کوردستانی بوون. پشتی رێورەسمێن دەرچوونێ دیاری ب سەر سەرکەفتیێن ئێکێ یێن هەر هه‌شت پشکێن پەیمانگەهێ دا هاتنە دابەشکرن.

 ل دوماهیێ ژی ب ناڤێ راگەهاندنا پەیمانگەهێ زور سوپاسیا ليژنا سه‌رپه‌رشت و وان هەموو مامۆستاو فه‌رمانبه‌رێن پەیمانگەهێ دکەین کو کار کری و هاریکار بوونە دگەل مەدا بو سازكرن و برێڤەبرنا ڤێ ئاهەنگێ . هەروەسا سوپاس بۆ ده‌زگايێن ئه‌منی، سوپاس بو كه‌نالێن راگه‌هاندنێ كو رومالا ئاهه‌نگێ كرن، هەروەسا بناڤێ راگرى و راگه‌هاندنا په‌يمانگه‌ها ته‌كنيكی یا ئامێدیێ پيروزباهيێ ل هه‌مى قوتابيێن ده‌رچوويی دکەین و داخازا سه‌ركه‌فتنێ بۆ هەموویا دخازين هەر سەرکەفتیبن.

قه‌تران محمد

ل راگه‌هاندنا په‌یمانگه‌هێ