سەرکەفتیێن ئێکێ یێن پەروەردا دهوک و زاروکێن شەهیدان ل زانکویا پولیتەکنیکى یا دهوک هاتنە خەلاتکرن


 

ئەڤرو روژا چوار شەمبى رێکەفتى ١١/٩/٢٠١٩ ب هەلکەفتا سالڤەگەرا شورەشا ١١ ئەیلولێ ، زانکویا پولیتەکنیکى یا دهوک ب هەفکاریا لقا ئێک یا پارتى دیموکراتى کوردستان وب هەماهەنگیا پەروەردا گشتى یا پارێزگەها دهوکێ زاروکێن شەهیدان و سەرکەفتیێن ئێکێ یێن قوناغا بنەرت خەلاتکرن .

درێورەسمەکێ هەژى دا و ب ئامادەبونا هژمارەکا رێڤەبەر وبەرپرسێن دام و دەزگەهێن میرى ل پارێزگەها دهوک (٦٠ ) قوتابیێن سەرکەفتیێن ئێکێ یێن پولێن چوارێ و پێنچێ و شەشێ بنەرەت یێن پەروەردا گشتى یا پارێزگەها دهوکێ دگەل (٢٠ ) زاروکێن شەهیدان ل زانکویا پولیتەکنیکى یا دهوک هاتنە خەلاتکرن

پشتى ئامادەبوى وەک رێزگرتن لسەر گیانێ شەهیدان بێ دەنگ راوەستیان (پ.د. عدنان محسن عبدالعزیز ) سەروکێ زانکویا پولیتەکنیکى یا دهوک د پەیڤەکێ دا بخێرهاتنا ئامادەبویان کر و شورەشا ١١ ئەیلولێ ب گرنگى دا زانین و هەروەسا ئاماژە ب پالپشتى و پشتەڤانیا قوتابیێن ئێکێ و زاروکێن شەهیدان کر

و ژلایێ خو ڤە هەر ئێک ژبەرێزان (سربست طروانشى ) بەرپرسێ لیقا یێ پارتی دیمکراتى کوردستان و (عمر على تاها ) رێڤەرێ گشتى یێ پەروەردا پارێزگەها دهوکێ دەست خوش و سوپاسیا زانکویا پولیتەکنیکى یا دهوک کرن ژبو ئەنجام دانا ڤان جورە چالاکیێن پشتەڤانیێ بو قوتابى و زاروکێن شەهیدان ژبو وێ چەندێن بشێن بگەهنهە هیڤێن خو د ئایندەى دا

و ل دووماهیێ خەلاتێن زاروکێن شەهیدان و سەرکەفتیێن ئێکێ یێن پولا چوارێ و پێنجێ و شەشێ یێن قوناغا بنەرت ژلایێ سەروکێ زانکویێ و بەرپرسێ لقێ و رێڤەبەرێ گشتى یێ پەروەردێ و رێڤەبەرا سەنتەرێ جیندەناسى ل زانکویا پولیتەکنیکى یا دهوک ڤە هاتنە بەلافکرن

 

دهێتە زانین :

ئەف چالاکیە ژلایێ سەنتەرێ جیندەرناسى یێ سەروکاتیا زانکویا پولیتەکنیکى یا دهوک ڤە هاتبو ئەنجام دان ب هەلکەفتا بیرەوەریا سالڤەگەرا شورەشا ١١ ئەیلولێ

© Copyright Duhok Polytechnic University (DPU) - All Rights Reserved

Website Admin: Sarbast Ali