روژا ئێکێ ژ کونفرانسێ ھەفپشکێ زانکویێن پولیتەکنیکی ھاتە ب رێڤەبرن


2019-08-29 10:13:56

 

ب مەرەما ئێگرتنا ھێز و شیانان و رێکخستنا پروگرامێن خاندنێ وئاسانکاریا بەردەوامیا خاندنا بلند ژبۆ بدەستڤە ئینانا باوەرناما تەکنیکی (ریفورما خاندنا تەکنیکی ل کوردستانێ بەرەف جێبەجێکرنا پروسێسا بولۆنا) ناڤ ونیشانێن کونفرانسەکێ نشتیمانی زاستی یێ هەفپشکێ ھەر سێ زانکویێن پولیتەکنیکی یا دھۆک ، ھەولێر ، سلێمانی یە ، یێ کو ل ھەولێرا پایتەختێ ھەرێما کوردستانێ دھێتە برێڤەبرن.

ل ژێر چافدێریا (د. ئارام محمد قادر) وەزیری خاندنا بلند و ڤەکولینێن زانستی ، ھەرسێ زانکویێن پولیتەکنیکی یێن پارێزگەھێن (دھۆک ، ھەولێر ، سلێمانی) کونفرانسێ ھەفپشکێ (ریفورما خاندنا تەکنیکی ل کوردستانێ بەرەف جێبەجێکرنا پروسێسا بولۆنا) دێ ل روژێن 28 و 29 ی ئابێ 2019 ل هۆڵا سەنتەرێ ڕۆشنبیری یێ زانكۆیا پۆلیتەكنیكی یا هەولێرێ ھێتە برێڤەبرن،
ئەڤرو روژا چوار شەمبی رێکەفتی 28ی ئاب 2019و ل دەمژمێر 10 ی سپێدێ و ل هۆڵا سەنتەرێ ڕۆشنبیری یێ زانكۆیا پۆلیتەكنیكی یا هەولێر وب ئامادەبوونا (د. ئارام محمد قادر) وەزیری خاندنا باڵند وڤەکولینێن زانستی یێ حكومەتا هەرێما كوردستانێ و شاندێ دگەل دا ژ وەزارەتێ و هەر سێ سەرۆك زانكۆیێن پۆلیتەكنیكی ( پ.د. عدنان محسن عبدالعزیز ) سەروکێ زانکویا پویلتەکنیکى یا دهوک و (پ.ی.د. ئالان فەرەیدون علی ئەمین ) سەروکێ زانکویا پویلتەکنیکى یا سلێمانێ و (د. كاوە شێروانی) سەروکێ زانکویا پویلتەکنیکى یا هەولێر و ژمارەکا نوێنەرێن زانكۆیان و پەڕلەمانتار و ئەكادیمیێن هەرێما كوردستانێ و ژمارەكا ڤەکولەرێن نافخوی و بیانی و مامۆستا و قوتابیێن هەرسێ زانكۆێن نافھاتی ، ئەڤرو 28 ێ ئاب 2019 ئێکەم روژا كۆنفرانسێ نیشتمانی یێ زانستی یێ ب ناڤ و نیشان (ریفورما خاندنا تەکنیکی ل کوردستانێ بەرەف جێبەجێکرنا پروسێسا بولۆنا)دەستپێکر.

ل دەستپێکا كۆنفرانسی ئامادەبویان وەک رێزگرتن بۆ گیانی پاكی شھیدێن ڕزگاری و ئازادی خوازیا كوردستان لسەر پێن خو ب بێ دەنگی راوەستیان .

پەیڤا بخێرھاتنێ ژلایێ سەرۆكێ لیژنا بلند یا كۆنفرانسی (د. كاوە شێروانی) ڤە ھاتە پێشکێشکرن و ئارمانجێن گرێدانا کونفرانسی دانە دیارکرن

و ژلایێ خو ڤە (د. ئارام محمد قادر) وەزیرێ خاندنا باڵند وڤەکولینێن زانستی د پەیڤەکێ دا ڕۆڵێ هەر سێ زانكۆیان بەرزنرخاند ژبو گرێدانا چالاكیێن زانستی و بەستنا ڤان جۆرە كۆنفرانسان كو پێویستییەكا سەردەمانەیە و ھەروەسا پشتەڤانیا خۆ دوپاتكر بۆ هەر جۆرە گۆڕانكاریەكا د پرۆگرامێن خاندنێ دا دھێتە کرن ژبو پێشڤەچونێن باشتر دکەرتێ زانست و خاندنا بلند دا ل هەرێما كوردستانێ و هیڤی خواستن جێ بەجێكرنا سیستمی بۆلۆنا كاریگەریەکا زۆر باش هەبیت لسەر ئاستێ زانستی یێ قوتابیێن زانكۆێن پولیتەکنیکی یێن ھەرێما کوردستانێ و د دووماھیا پەیڤا خودا داخاز ژ سەرجەم ناڤەند و دەزگەھێن زانستی کر بەردەوام بن ل خۆ نوێكرنێ ژبو بەرەف پێشڤەبرنا پرۆگرامێن خاندنێ و پێشکەفتنا کەرتێ خاندنا بلند ل كوردستانێ.

و ژلایەکێ دی ڤە (پ.د. عدنان محسن عبدالعزیز) سەروکێ زانکویا پولیتەکنیکی یا دھوک دپەیڤەکێ دا ژبلی بخێرھاتنا ئامادەبویان کرى سوپاسیا وەزیرێ خاندنا بلندکر ژبو پشتەڤانیا وى بو زانکویێن پولیتەکنیکى و هەروەسا پەیرەو کرنا سیستەمێ بولونا ب گرنگ دا زانین و بەرھەڤیا زانکویا پولیتەکنیکی یا دھوک دیارکر ژبۆ ھەر پێشھاتەکا دبەرژەوەندیا پێشڤەچونا ئاستێ زانستی و ئەکادیمی دا بیت و ژلایەکێ دیڤە سوپاسیا وان ماموستا و خەمخوران کر ئەوێن بو دەمێ دوو سالا کاردکەن ژبو سەرکەفتنا ڤى سیستەمى و ل دووماهیێ داخازا سەرکەفتنێ بو کونفرانسى خواست  .

 

© Copyright Duhok Polytechnic University (DPU) - All Rights Reserved

Website Admin: Sarbast Ali