پروژێ بەرهەم ئینانا پەلەوەران ل زانکویا پولیتەکنیکى یا دهوکێ دشێت ١٠٠٠٠ پەلەوەران خودان بکەت


2019-04-21 06:57:09

ئەڤ پروژە دهێتە هژمارتن ئێک ژ پروژێن ستراتیژی یێن زانکویا پولیتەکنیکی یا دهوک بشێوەیەکێ گشتى و کولیژ و پەیمانگەهێن سەر ب زانکویێ ڤە بشێوەیەکێ تایبەتی چونکى هەر ژ دەستپێکا دامەزراندن پروژەى لسالا٢٠١٤ و ئەردێ وێ یێ کشتوکالیى ل دەڤەرا ئامێدیێ ستراتیژیەک بو زانکویێ پەیداکر کو پشکێن تایبەت ب کشتوکالێن تەکنیکى ڤە مینا پشکا سامانی ئاژەل مفاى ژ پروژەى وەرگرن چونکى ئەف پروژە یێ تایبەتە ب بەرهەم ئینانا پەلەوەرێن گوشتی ڤە و یێ پێک هاتییە ژ یەکەیەکا بەرهەم ئینانێ و د شیانێن پروژەى دا هەیە ٨٠٠٠ تا ١٠٠٠٠ پەلەوەران خودان بکەت و هەر خولەکا بەرهەمئینانێ نزیکی دوو هەیڤان ڤەدکێشیت ، و مەرەم ژ دروست کرنا ڤى پروژەە بەرهەم ئینانا پەلەوەرێن گوشتى و خزمەت کرنا قوتابیانە کو مفای ژلایێ زانستى و تەکنیکى ڤە وەربگرن و هەروەسا وەکى بزاڤ و چالاکیەکا پراکتیکی یا سالانە بو قوتابیێن زانکویا پولیتەکنیکی یا دهوک بهێتە نیاسین و قوتابی ب ئەرکێ سەرپەشتیا بەرهەم ئینانا چیچەلوکێن خومالی رابن کو هەر ژ دەستپێکا کورسى فێری چەوانیا پەیداکرنا هێکان بو هەلهێنەرێ و ژێگرتنا هێکێن باش بو هەلهێنەرێ لدیف پیڤەرێن زانستی و پاکژکرنا هەلهێنەرێ وئامادەکرنا وێ بو هێکان و ژێگرتنا هێکێن نەیێن پیتراو پشتى برێکا کاندلینک و دەرئێخستنا رێژە یان پشتی چیچەلوک دەرکەفتین. هەروەسا قوتابى فێرى ئامادەکرنا جهێ خودانکرنا چیچەلوکان و ڤاکسیندانا چیچەلوکان ببیت و هەردیسان ببیتە داهات بو زانکویا پولیتەکنیکی یا دهوک

© Copyright Duhok Polytechnic University (DPU) - All Rights Reserved

Website Admin: Sarbast Ali