پشکا شێرى دێ بەر زانکوێن پولیتەکنیکى یێن هەرێما کوردستانێ کەڤیت


وەزیرى خاندنا بلند و ڤەکولینێن زانستى ڕاگەهاند: زانکۆێن پۆلیتەکنیکى سەربارى وێ چەندێ کو شیاینە ڤالاهیەکا بازارێ کوردستانێ پر بکەت هەروەسا شیایە خو دگەل کەرتێ گەشەکرنا ئابورى ژى بگونجینن بەلێ دسەر ڤێ چەندێ را پێتڤى ب زیاتر لێکتێگەهشتنێ و هاریکاریا دووقولى دنافبەرا زانکویان و بازارێ کارى ل کوردستانێ.

 

ئەف ڕاگەهاندنا (د. ئارام محمد قادر )وەزیرى خاندنا بلند و ڤەکولینێن زانستى ئێڤاریا روژا دوو شەمبى  ٢٠١٩/٨/٢٦ هاتن، دەمێ پشکدارى د روینشتنا جڤاتا زانکویا پۆلیتەکنیکى یا دهۆک دا کرى ، یێن کو هەر ئێک ژ سەرۆکێ زانکۆ و هاریکارێن سەروکێ زانکویێ و ڕاوێژکارو رێڤەبەرێن گشتى یێن وەزارەتێ و ڕاگرێن کۆلێژ و پەیمانگەهێن تەکنیکى و رێڤەبەرێن رێڤەبەریێن سەروکاتیا زانکویا پولیتەکنیکى یا دهوک تێدا ئامادەبوین .

ل دەستپێکا روینشتنێ پ. د. عدنان محسن عبدالعزیز ) سەرۆکى زانکۆیا پۆلیتەکنیکى یا دهۆک پشتى بەخێرهاتنا   وەزیرى خاندنا بلند و شاندێ دگەل دا کرى ، دپەیڤەکێ دا هیڤى خواستن کو دڤێ روینشتنا دگەل وەزارەتێ دا بشێن لێکتێگەهشتنەکا هاوبەش و کاریگەر دنافبەرا زانکویێن پولیتەکنیکى و بازارێ بازاڕێ کارى ل کوردستان دروست بکەن و هەروەسا وان گیروگرفتێن کەفتینە درێکا زانکویا پولیتەکنیکى یا دهوک دا چارەسەربکەن .

ژلایێ خوڤە ( د. ئارام محمد قادر) وەزیرى خوێندنى باڵا و توێژینەوەى زانستى سەربارى دەربرینا خوشحالیا خو ب ڤێ روینشتنێ ، تەکەزى لسەر گرنگیا خاندنا تەکنیکى لە هەرێمى کوردستان کرد و گوت : خوێندنى تەکنیکى یەکێکە لە ئەولەویاتە هەرە گرنگەکانى حکومەتى هەرێمى کوردستان، چونکە ئەم خوێندنە تەنها تایبەت نیە بەهەرێمى کوردستان، بەڵکو بابەتێکى نێودەوڵەتیە و وڵاتان بۆ پێشخستنى بارى ئابورییان بایەخى زۆرى پێدەدەن

هەروەسا دیارژى کر ، نامانەوێ زانکۆ تەنها بڕوانامە بدات و فەرمانبەر بۆ کەرتى گشتى ئامادەبکات، بەڵکو  پێویستە زانکۆ کارامەیى و پیشەیی بۆ خوێندکارانى دروست بکات، تا دواى تەواوکردنى خوێندن  بتوانن دەرفەتى کار بۆ خەڵکى دیکە بڕەخسێنن و لە بازاڕى کارى کوردستاندا هەلی کارى گونجاویان بۆ بەدەست بێنن، بۆیە ل ئێستادا زانکۆ پۆلیتەکنیکەکانى کوردستانیش دەتوانن ئەو رۆڵە ببینن و کادیرى ناوەندى دروست بکەن و پێداویستیەکانى بازاڕى کارى کوردستان دەستەبەر بکەن و  خوێندکارى کارامە بۆ بازارى کار پێ بگەێنن .

و دبەشەکى دی یێ ڤێ رونشتنێ دا د. ئارام گوت : بەهەمومان دەمانەوێت نەخشە ڕێگەیەک بۆ  کارکردنى پێکەوەیی دابنێین و لە کەمترین ماوەدا زۆرترین دەستکەوت بۆ زانکۆى پۆلیتەکنیکى  دهۆک و زانکۆ پۆلیتەکنیکیەکان دەستەبەر بکەین،و پێداویستییەکانى بازاڕى کارى کوردستان  دەستەبەربکەین .

و دووماهیک پەیڤا خودا د. ئارام محمد گفتوگو لسەر کارنامەیا کابینەیا نەهێ یا حکومەتا هەرێما کوردستانێ کر و گوت : ئومێدى هەموانە ئەم کابینەیە بتوانێت بەشێکى زۆر لە داواکارى  خەڵکى کوردستان و پرۆژەى ستراتیژى بۆ سێکتەرە جیاوازەکان بخاتە جێبەجێکردنەوە، ئەمەش  بە هاوکارى و هەماهەنگى سەرجەم سێکتەرو دامەزراوەکان دێتە دى، بۆیە داواتان لێدەکەم  هەمووان هاوکارى یەکتر بین بۆ گەشەپێدانى زانکۆکانى کوردستان، چونکە پشکى شێرى ڕیفۆرم  لە خوێندنى باڵا کەوتۆتە ئەستۆى زانکۆ پۆلیتەکنیکییەکان .

© Copyright Duhok Polytechnic University (DPU) - All Rights Reserved

Website Admin: Sarbast Ali