پەیمانگەھا تەکنیکی یا ئامێدیێ پشتەڤانیا قارەمانیەکا فوتبۆلێ كر
ژ چارچوڤێ کارو چالاکیێن راگریا پەیمانگەھا تەکنیکی یا ئامێدیێ و پێخەمەت خزمەتکرنا جڤاکی ب گشت تەخ وچین ڤە و ب تایبەت دبوارێ وەرزشی دا ل رێکەفتی ٢٦-٥-٢٠١٩ راگریا پەیمانگەھا تەکنیکی یا ئامێدیێ ب ھەماھەنگی و ھەفکاری دگەل ناڤەندا چالاکی و پێگەھاندنا لاوان ل ئامێدیێ قارەمانیەکا فوتبۆلێ ل یاریگەھێن بچیککری بدووماھیک ئینا ئەوا ل دەست پێکا ھەیڤا رەمەزانا پیروز بۆ ٢٥ تیمێن ملی ل سنۆرێ قەزا ئامێدیێ ب پشتەڤانیا پەیمانگەھا تەکنیکی یا ئامێدیێ ھاتیە ڤەکرن
پشتی ھەڤرکی دناڤبەرا ھەر ٢٥ تیمێن پشکدار دا ھاتیە كرن تیما سەرگەلی و تیما لەشکەرێ تایبەتێ دوو گەھشتنە یاریا دووماهیێ ژ قارەمانیێ و یاریزانێن تیما لەشکەرێ تایبەتێ دوو شیان ل رێزا ئێکێ بھێن دەمێ ب گولەکێ بێ بەرامبەر سەرکەفتن ل سەر یاریزانێن تیما سەرگەلێ تومارکری ،
ل دووماھیێ خەلات و دیاری ژلایێ راگرێ پەیمانگەھێ دکتۆر ھەکار زەکی و ھژمارەکا بەرپرس و ئەندام پەرلەمان و رێڤەبەرێن سنورێ قەزا ئامێدیێ ڤە ھاتنە بەلافکرن.