پشكا روژنامه‌ڤانى دێ بيته ته‌كنيكێن راگه‌هاندنێ
راگه‌هاندن به‌رده‌وام دگورانكاريان دايه وسيسته‌مێن خواندنێ ژى ل ديڤ وان گورانكاريان دفێت بهێنه گوهارتن ژبه‌ر هندێ بو سالا نوى يا خواندنێ دێ پشكا روژنامه‌ڤانى ل په‌يمانگه‌ها ته‌كنيكى كارگێرى هێته گوهارتن بو پشكا ته‌كنيكێن راگه‌هاندنێ.
پشتى 10 سالان ژدامه‌زراندنا پشكا روژنامه‌ڤانى وچوار سالان ژ پشكا روژنامه‌ڤانيا ئه‌لكترونى بو سالا نوى ياخواندێ 2019/2020 دێ ئه‌ڤ پشكه هێنه گوهارتن بو پشكا ته‌كنيكێن راگه‌هاندنێ ل په‌يمانگه‌هێ وكوليژێ ئانكو راگه‌هاندن ب گشتى ل ڤان پشكا هێته خواندن پشتى وه‌زاره‌تا خواندنا بلند وفه‌كولينێن زانستى رازيبونا خو ل سه‌ردياردكه‌تن.
ل روژ چوار شه‌مبى 10/7/2019 ل سه‌روكاتيا زانكويێ دچارچوفێ رێکخستن و پێشڤه‌برنا پروگرامێن خاندنێ ل زانکویا پولیتەکنیکى یا دهوک پروگرامێن خواندنێ بو پشكێن ته‌كنيكێن راگه‌هاندنێ ل كوليژ وپه‌يمانگه‌ها ته‌كنيكى كارگێرى هاتنه دارشتن ژلايێ دکتور ئەکرەم فرەیدون و دکتور سادق حەمە غەریب ژ زانكويا سه‌لاحه‌دين وماموستا ره‌وان سبحى سه‌روكێ پشكا روژنامه‌ڤانى وبه‌نده‌وار محه‌مه‌د وانه‌بێژ ل پشكا روژنامه‌ڤانى وماموستا عيدو عه‌بدال بريارده‌رێ پشكا روژنامه‌ڤانيا ئه‌لكترونى
دحه‌فتيا بهێت دا دێ دانوستاندن ل دور پروگرامێن ڤان هه‌ردوو پشكا هێته كرن ژلایێ (پ.د. سه‌ديق یوسف ) سەرپەرشتێ دلنیا جورى و (م. سید باسم سید ئه‌حمه‌د) بەرپرسێ هوبا پروگرامێن خواندنێ ل زانكويا پوليته‌كنيكى يا دهوك