پروگرامێن پشكێن كارگێرى دێ ئێك گرن
ب مەرەما رێکخستن و پێشڤەچونا پروگرامێن خاندنێ ل زانکویا پولیتەکنیکى یا دهوک ئەڤرو روژا چوار شەمبى رێکەفتى ١٠/٧/٢٠١٩ و ب ئامادەبونا سەروکێ زانکویێ (پ.د. عدنان محسن عبدالعزیز ) و (د. زیرەک عزیزخان احمد ) هاریکارێ سەروکێ زانکویێ بو کاروبارێن زانستى و پەیوەندیان و راگر و سەروک پشک و چەندین ماموستایێن پشکێن کارگێرى یێن کولیژ و پەیمانگەهێن تەکنیکى یێن سەر ب زانکویا پولیتەکنکى یا دهوک ڤە و ھەر دوو ماموستایێن پشکا راگه‌هاندنێ یێن زانکویا سەلاحەدین دکتور ئەکرەم فرەیدون و دکتور سادق حەمە غەریب، وورک شوپەک ل سەروکاتیا زانکویێ ھاتە ئەنجام دان.
دڤێ وورک شوپێ دا سەروکێ زانکویێ د پەیڤەکێ دا گرنگیا وورک شوپێ و چەندین خالێن دێ یێن گرنگ دانە دیارکرن و تەکەزى ل سەر رێکخستن و پێشڤەچونا پروگرامێن خاندنێ ل زانکویێ کر لدویف سیستەمێ بولونا.
بابەتێن خولێ ژلایێ (پ.د. صدیق یوسف ) سەرپەرشتێ دلنیا جورى ل سەروکالتیا زانکویێ و (م. سید باسم سید احمد) بەرپرسێ هوبا پروگرامێن خواندنێ ڤە هاتنە شروڤەکرن.
پاشان ماموستا وسه‌روك پشكێن زانستى ل هه‌مى كوليژ وپه‌يمانگه‌هێن كارگێرى يێن سه‌ر ب زانكويا پوليته‌كنيكى يا دهوك ل ديڤ بسپوريا بونه گروپ وده‌ست ب دارشتنا پروگرامێن خواندنێ هاته‌كرن ول حه‌فتيا بهێت هه‌رپشكه‌ك دێ راپورتا خو پێشكێش كه‌ت كو تێدا پروگرامێن خواندنێ بو هه‌رپشكه‌كا زانستى تێدا بهێنه دياركرن وسالا بهێت يا خواندنێ ل ديڤ وى پروگرام بچن.
دڤى وورك شوپى دا هه‌رئێك ژ راگرێ په‌يمانگه‌ها ته‌كنيكى كارگێرى دكتور هادى خه‌ليل وراگرێ كوليژا ته‌كنيكى كارگێرى دكتور ئارى محه‌مه‌د به‌ژدار بون دگه‌ل سه‌روك پشكێن زانستى يێن كوليژ وپه‌يمانگه‌ها ته‌كنيكى كارگێرى.
.ئەف وورک شوپە ژلایێ رێڤەبەریا دلنیا جورى ب هەماهەنگى دگەل هوبا پروگرامێن خاندنێ ل سەروکاتیا زانکویێ ڤە دهێتە بڕێڤە برن و دێ بو دەمێ دوو حەفتیان یا بەردەوام بیت