وورک شوپەک بو پشکێن کارگێرى هاتە ئەنجام دان


2019-07-10 12:04:51

 

ب مەرەما رێکخستن و پێشڤەچونا پروگرامێن خاندنێ ل زانکویا پولیتەکنیکى یا دهوک ئەڤرو روژا چوار شەمبى رێکەفتى ١٠/٧/٢٠١٩ و ب ئامادەبونا سەروکێ زانکویێ (پ.د. عدنان محسن عبدالعزیز ) و (د. زیرەک عزیزخان احمد ) هاریکارێ سەروکێ زانکویێ بو کاروبارێن زانستى و پەیوەندیان و راگر و سەروک پشک و چەندین ماموستایێن پشکێن کارگێرى یێن کولیژ و پەیمانگەهێن تەکنیکى یێن سەر ب زانکویا پولیتەکنکى یا دهوک ڤە و ھەر دوو ماموستایێن پشکا راگەھاندنێ یێن زانکویا سەلاحەدین دکتور ئەکرەم فرەیدون و دکتور سادق حەمە غەریب،  وورک شوپەک ل سەروکاتیا زانکویێ ھاتە  ئەنجام دان.

دڤێ وورک شوپێ دا سەروکێ زانکویێ د پەیڤەکێ دا گرنگیا وورک شوپێ و چەندین خالێن دێ یێن گرنگ دانە دیارکرن و تەکەزى ل سەر رێکخستن و پێشڤەچونا پروگرامێن خاندنێ ل زانکویێ کر لدویف سیستەمێ بولونا و سیستەمێ ECTS و ژلایەکێ دیڤە شروڤەکرنا بابەتێن خولێ ژلایێ (پ.د. صدیق یوسف ) سەرپەرشتێ دلنیا جورى ل سەروکالتیا زانکویێ و (م. سید باسم سید احمد) بەرپرسێ هوبا پروگرامێن خواندنێ ڤە هاتنە شروڤەکرن.

دهێتە زانین :- ئەف وورک شوپە ژلایێ رێڤەبەریا دلنیا جورى ب هەماهەنگى دگەل هوبا پروگرامێن خاندنێ ل سەروکاتیا زانکویێ ڤە دهێتە بڕێڤە برن و دێ بو دەمێ دوو حەفتیان یا بەردەوام بیت.

© Copyright Duhok Polytechnic University (DPU) - All Rights Reserved

Website Admin: Sarbast Ali