پەیاما سەرۆکێ زانکۆیێ


 پ.د.عدنان محسن عبدالعزیز، پروفیسور د ئەندازیاریا کومپیوتەرى دا : بومن شانازیە ئەز بخێرهاتنا هەوەیێن بەرێز بکەم بو زانکویا مەیا نوى ئەوا هاتیە دامەزراندن ل (کانونا ئێکێ ٢٠١٢) و هاتیە جیاوازکرن ب پلاندانانێ و پشت بەستنا شیانان .

زانکویا پولیتەکنیکى یا دهوک ئێکە ژ سێ زانکویێن تەکنیکى ل هەرێمێ کو رابویە ب تێکەل کرنا پەیمانگەهێن تەکنیکى دگەل کولیژێن تەکنیکى بو ئاڤاکرنا زانکویەکا پێشکەفتى بو هندێ دیاربکەت کو یا بەرهەڤە بو پرکرنا داخوازیێن فێکرنێ و راهێنانێ ل پارێزگەها دهوکێ.

زانکویا مە خودان چەندین هەرەمە ل جهێن جودا یێن دەڤەرێ کو هەرئێک ژوان سیمایەکێ دینامیکى یێ تایبەت هەیە و کومەکا خزمەت گوزارى و خولێن تایبەت ب خوڤەدگرن ، ژلایەکێ دى ڤە زانکو دەلیڤێن خواندنێ بو هەمیان پێشکێش دکەت ژوان ژى یێن بەرى نوکە دەلیڤە بو وان نەبویە.

سەرەراى ئەو هەمى ئاستەنگێن درێکێ دا مە باوەرى ب پاشەروژا زانکویا خو هەیە بو بەرهەڤکرنا دەرچویێن تەکنیکى یێن ژێهاتى و ڤەکولەرێن زانا و داهێنەر ل دیڤ پیڤەرێن دڵنیایى جورى یێن نیڤ دەولەتى و پێدڤیێن بازارى و هەماهەنگى ل گەل کەرتێ گشتى و تایبەت ،و پتریا ڤان کاران دهێنەکرن ب هاریکاریا کومپانیێن نیڤ دەولەتى.

زانکویا مە دەست ب کارێن هەڤپشک کریە دگەل زانکویێن وڵاتێن ئێکگرتى یێن ئەمریکا و ئەوروپا و روژهەلاتا ناڤین و دپاشەروژەکا نێزیک دا چاڤەرێى بەرفرهەکرنا ڤان پەیوەندیانە دگەل زانکویێن ئاسیایى و ئوسترالى و مە پلان هەیە بو دروستکرنا دەلیڤان کو قوتابیێن مە تاقیکرنان بکەن ل دەرڤەى وڵاتى ددەمێ خواندنا خودا و مە باوەریەکا بهێز یا هەى کو ئەڤ سیستەمە دێ زانکویا مە پێش ئێخیت ، و ئەم پێگیرین ب پروسا سەرکەفتنا ئەکادیمى یا قوتابیان، ژبەهندێ ئەم هەمى شیانێن خو د مەزێخین بو دانانا پلانەکا ستراتیژى ل دیڤ داخازا دەستەیا نشتیمانى و پشت بەستنا هەلسەنگاندنا ئەکادیمیا نیڤ دەولەتى و مە سیستەمێ دڵنیاى جورى بکارئینایە ل وەزارەتا خواندنا بلند و ڤەکولینێن زانستى و ئێخستیە بەر دەستێ دەرچویێن خو ئەوێن شیانێن خواندنا نیڤ دەولەتى هەین .

ب گشتى باوەرى ، رەوشت ، شەفافیەت ، و هەمەجورى ژ پرەنسیپێن سەرەکى یێن زانکویا مەنە ، و ل دوماهیێ داخازێ ژ جەنابێ وە یێ هێژا دکەم سەرەدانا ماڵپەرێ فەرمى یێ زانکویێ بکەن بو دیتنا شیان و تایبەتمەندیێن مە .

© هەمی ماف دپاراستینە بو زانکۆیا پولیتەکنیک دهۆک