سه‌روكێ زانكويا پوليته‌كنيك يا دهوك: پێتڤيه روژنامه‌ڤانين مه بتايبه‌ت ئه‌وێن ژزانكويا پوليته‌كنيك ده‌رچن ب ره‌نگه‌كێ ئه‌كاديمى كاربكه‌ن وپه‌ياما راسته‌قينه بگه‌هينه ته‌ڤ ته‌خ وچينێن جڤاكى
ب هەلکەفتا 121 سالی یا روژنامەڤانیا کوردى و ئێکەم روژناما كوردى یا بناڤێ ( کوردستان ) ئەڤرو رێکەفتى 22/4/2019 بو سالا نه‌هێ لديڤ ئێك ڤیستەڤالا پشكا روژنامه‌ڤانى يا پەیمانگەها تەکنیکى کارگێرى هاتە ئەنجام دان.
ل ژێر چافدێریا (پ.د. عدنان محسن عبدالعزیز ) سەروکێ زانکویا پولیتەکنیکى یا دهوک و ب ئامادەبونا ژمارەکا زور ژ کەسایەتى و ئەندام پەرلەمان و سەروکێن زانکویێن پارێزگەها دهوکێ و چەندین رێڤەبەر و بەرپرسێن سازیێن حزبى و حکومى و دەزگەهێن راگەهاندنێ و رێڤەبەرێن دەزگەهێن کەرتێ تایبەت نەهەمین ڤیستەڤالا هەفپشک يا پەیمانگەها تەکنیکى کارگێرى و کولیژا تەکنیکى کارگیرى یا پشکێن روژنامه‌ڤانى و روژنامەڤانیا ئەلکترونى ئەوا سالانە ب هەلکەفتا سال روژا دامەزراندنا روژنامەیا کوردستان دهێتە ئەنجام دان.
ل دەستپێکا رێورەسمێن ڤیستەڤالى سەروکێ زانکویێ (پ.د. عدنان محسن عبدالعزیز ) د پەیڤەکێ دا ژبلى بخێرهاتنا ئامادەبویان,گوت پێتڤيه روژنامه‌ڤانين مه بتايبه‌ت ئه‌وێن ژزانكويا پوليته‌كنيك ده‌رچن ب ره‌نگه‌كێ ئه‌كاديمى كاربكه‌ن وپه‌ياما راسته‌قينه بگه‌هينه ته‌ڤ ته‌خ وچينێن جڤاكى وژلایەکێ دیڤە ئەو پروژێن بو پێشانگەهێ هاتنیە بەرهەفکرن ب گرنگى دانە زانین وگوت ئه‌و پروژێن ئه‌ڤرو ژلايێ قوتابيان ڤه هاتينه ئاماده‌كرن نه‌چالاكيه‌كا بچيكه يا پيتڤيه ئه‌ڤ كاروچالاكيه نه‌بتنێ بمينه دزانكويێ دا به‌لاكو بچنه د ده‌زگه‌هين راگه‌هاندني دا و ژ کەرتێ تایبەت خواست مفاى ژ وان پروژەیان وەرگرن و پتر دەلیڤەیان ب دەرچویێن زانکویێ بدەن ژبو دیارکرن و بەرچافکرنا شیانێن خو و دبەردەوامیا پەیڤا خودا سەروکێ زانکویێ دەست خوشى ل رێکەخەرێن ڤیستەڤالێ کر.
په‌يڤا ڤيسته‌ڤالێ وبخێرهاتنێ هاته پێشكێشكرن ژلايێ د.هادى خليل اسماعيل راگرێ په‌يمانگه‌ها ته‌كنيكى كارگێرى پاشان چه‌ندين كار وراپورتێن فيديويى هاتنه پيشاندان ئه‌وێن هاتينه به‌رهه‌ڤكرن ژلايێ قوتابيێن پشكێن روژنامه‌ڤانى وروژنامه‌ڤانيا ئه‌لكترونى ورولێ ماموستايێن روژنامه‌ڤان يێن خزمه‌تا ڤان پشكا كرينه نه‌هاتنه ژبيركرن.
پاشان پيشانگه‌هێن روژنامه‌ڤانى هاتنه ڤه‌كرن كو پێك دهاتن ژ (ده‌رێخستنا سێ روژنامان,وێنێن روژنامه‌ڤانى,فوتو ستورى,كاريكاتێر,پروژێن ده‌رچونێ) ديسان ئاماده‌كرنا كومه‌ك ژئه‌رشيڤێ روژنامين دهوكێ و نيشاندانا كاميرێن كه‌ڤن.
ديسان هه‌ر ب هه‌لكه‌فتا روژا روژنامه‌گه‌ريا كوردى پيشانگه‌هه‌كا په‌رتوكان هاته فه‌كرن وپه‌رتوكه‌ك ل سه‌ر (ديروكا روژنامه‌ڤانيا پارێزگه‌ها دهوكێ) يا نڤێسه‌ر موسه‌ده‌ق توڤى هاته ئيمزاكرن.