پلانا ستراتیژى یا زانکویێن هەرێما کوردستانێ ل جیکێ هاتە دارشتن


2019-06-24 02:34:12

 

ب مەرەما نێفدەولەتیکرنا زانکویێن ھەرێما کوردستانێ و دارشتنا پلانا ستراتیژى یا زانکویێن هەرێما کوردستانێ و بەراوردکرنا وێ دگەل زانکویێن ئوروپى یێن پێشکەفتى دبواریێن تەکنیکى دا شاندێ زانکویا پولیتەکنیکى یا دهوک ژلایێ زانکویا برنو یا تەکنولوژى و زانکویا مەساریک یێن جیکی هاتە پێشوازیکرن و دوو یاداشتنامێن لێک تێگەهشتنێ ئیمزا کرن

ئەڤرو رێکەفتى ٢٤-٦-٢٠١٩ شاندێ زانکویا زانکویا پولیتەکنیکى یا دهوک ب سەروکاتیا سەروکێ زانکویێ پروفیسور (د.عدنان محسن عبدالعزیز ) و بەرێز (د.نوزت صادق احمد) رێکخەرێ پروگرامێ تایگرێس ل زانکویا پولیتەکنیکى یا دهوک گەهشتنە باژێرێ برنو یێ جیکى و پشکداریکرى د وورکشوپا نیڤدەولەتیکرنا زانکویێن هەرێما کوردستانێ دا کر ئەوا دێ بو دەمێ یا بەردەوام بیت هەر ژ ٢٤ هەتا ٢٦ /٦/٢٠١٩ ل باژێرێ برنو یێ جیکى ، د روژا ئێکێ دا دارشتنا پلانا ستراتیژى یا زانکویێن هەرێما کوردستانێ و بەراوردرکرنا وێ دگەل زانکویێن پێشکەفتى یێن ئوروپى هاتە شروڤەکرن .

دهێتە زانین ل رێکەفتى ٢٦/٢/٢٠١٩ ستافێ زانکویا پویلتەکنیکى یا دهوک ژلایێ زانکویا برنو یا تەکنولوژى و زانکویا مەساریک ڤە هاتبونە پێشوازیکرن وتەکەزى لسەر خورترکرنا پەیوەندیێن ئەکادیمى و زانستى هاتبو کرن وئەڤرو رێکەفتى ٢٤/٦/٢٠١٩ شاندێ زانکویا پولیتەکنیکى یا دهوک ب سەروکاتیا پروفیسور (د. عدنان محسن عبدالعزیز ) دوو یاداشتنامێن لێک تێگەهشتنێ دنافبەرا زانکویا پولیتەکنیکى یا دهوک و زانکویێن نافهاتى دا هاتنە ئیمزا کرن تەکەزى ل سەر چەندین خالێن هەفپشک هاتە کرن کو دناڤەروکا یاداشتنامێ دا هاتبونە نڤیسن و هەردیسان پەیوەندیێن هەفکاری و لێکگوهرینا پێزانینا و وەرگرتنا قوتابیان و ڤەکولینێن زانستى دا ژلایەکێ دى یێ یاداشتنامێ بو و هەر بڤێ مەرەمێ سەروکێ زانکویا پولیتەکنیکى یا دهوک سوپاسیا سەروکێ زانکویا برنو یا تەکنولوژى و زانکویا مەساریک کر بەرامبەر ڤێ پێشوازیێ و بەرهەڤی و بەردەوامیا زانکویا پولیتەکنیکى یا دهوک بەرامبەر خورتکرنا پەیوەندیێن ئەکادیمى و زانستى و بوارێن دی یێن جوراو جور یێن تەکنیکى دەربرى .

© Copyright Duhok Polytechnic University (DPU) - All Rights Reserved

Website Admin: Sarbast Ali