قوتابيێن پشكا روژنامه‌ڤانى سه‌ره‌دانه‌ك بره موزه‌خانا دهوك يافلكلورى
ب مه‌ره‌ما شاره‌زابون د كارێ مه‌يدانى يێ روژنامه‌ڤانى دا وچه‌وانيا سه‌ره‌ده‌ريكرن دگه‌ل جهێن بويه‌ران وئاماده‌كرنا نوچه و راپورتێن روژنامه‌ڤانى ئه‌ڤرو روژا پێنچ شه‌مبى 13/1/2019 قوتابيێن پشكا روژنامه‌ڤانى ل په‌يمانگه‌ها ته‌كنيكى كارگێرى دگه‌ل ماموستا ره‌وان صبحى سه‌روكێ پشكا روژنامه‌ڤانى وماموستا ئه‌حمه‌د ياسين ماموستايێ بابه‌تێ كوردولوجيێ سه‌ره‌دانه‌ك بره موزه‌خانا دهوك يا فلكلورى وهاتنه پێشوازيكرن ژلايێ رفعه‌ت ره‌جه‌ب رێڤه‌به‌رێ موزه‌خانێ وماموستايێ بابه‌تى زێده‌تر قوتابى ئاشناكرن ب مێژوو وكلتورێ ملله‌تێ كورد ژبه‌ركو گه‌له‌ك ژكه‌ل وپه‌لێن ده‌ربرينێ ژكلتورێ ملله‌تێ مه‌دكه‌ن دموزه‌خانا دهوك يا فلكلورى دا دپاراستينه.
دروستكرنا نوچه وراپورتێن روژنامه‌ڤانى دهێنه ئاماده‌كرن ژلايێ قوتابيان ڤه دڤان سه‌ره‌دان وپێشكێشكرنا سميناران دا ودهێنه هه‌لسه‌نگاندن دوانا هونه‌رێ نڤێسينێ دا وئه‌ڤ وانه ل پشكا روژنامه‌ڤانى دهێته گوتن ژلايێ ماموستا ره‌وان صبحى لايه‌نێ تيورى وبه‌نده‌وار محه‌مه‌د لايه‌نێ پراكتيكى.