كێشا كێمیا هولێن خواندنێ دێ هێتە چارەسەركرن
ب مەرەما چارەسەركرنا ئاریشا زێدە وەرگرتنا قوتابیان وكێمیا هولێن خواندنێ ئەڤرو رێكەفتی 12/11/2018 سەروكێ زانكویا پولیتەكنیكیا دهوك (پ.د.عدنان محسن عبدالعزیز) دگەلدا (م.لاوەند كەمال) رێڤەبەرێ رێڤەبەریا ئەندازە وپروژا ل سەروكاتیا زانكویێ سەرەدانا كولیژ وپەیمانگەها تەكنیكی كارگێری كرن.
سەروكێ زانكویێ ژلایێ هەرئێك ژ (د.هادی خلیل) راگرێ پەیمانگەهێ و (د.ئاری محمد) راگرێ كولیژێ هاتە پێشوازیكرن.
سەرەدانا ئەڤرو یا (پ.د.عەدنان محسن) بو ئاڤاهیێ نوی یێ كولیژ وپەیمانگەها تەكنیكی كارگێری بو, تێدا دوپاتی ل سەرهندێ هاتەكرن كو ب زیترین دەم هولێن ئاڤاهیێ نوی بهێنە ئامادەكرن ب مەرما چارەسەركرنا ئاریشا هولێن خواندنێ بو قوتابیێن ئەڤ سالە.
دیسان سەرەدانەك بو ئاڤاهیێ راگریێن كولیژ وپەیمانگەهێ هاتەكرن ئەڤێ نوی دهێتە دروستكرن. بو سالا نوی یا خواندنێ 2018/2019 ژمارەكا زوورا قوتابیان هاتیە وەرگرتن ل زانكویێن حكومی وپتریا وان ئاریشا جهی وهولێن خواندنێ هەیە.