رويدان

راگریا كولیژ و په‌یمانگه‌ها ته‌كنیكی كارگێری-دهۆك ب هه‌ڤكاریا رێڤه‌به‌ریا به‌رهه‌نگاربوونا توندوتیژی دژی ئافره‌تا ل پارێزگه‌ها دهۆكێ , سمیناره‌ك ده‌رباره‌یی "بكارئینانا توندوتیژیی به‌رامبه‌ر ئه‌ندامێن خێزانی ، ئەگەر و چارەسەری" بو ماموستا و فه‌رمانبه‌ر و قوتابیێن كولیژ و په‌یمانگه‌هێ هاته‌ پێشكێش كرن. ئه‌ڤرو سێشه‌مبی 11-12-2018 ل هولا سێمینارا یا كولیژ و په‌یمانگه‌ها ته‌كنیكی كارگێری یا سه‌ر ب زانكۆیا پۆلیته‌كنیكی یا دهۆك ، سمینار ژلایێ پروفیسورێ هاریکار (د. اسماعیل ابابکر علی) ماموستایێ زانکویا دهوک و شارەزا ل سەنتەرێ راوێژکاریا خێزانی هاتە پێشکێشکرن . ژ خالێن گرنگ كو هاتینه‌ شروڤه‌ كرن ژ لایێ د اسماعیل ڤه‌، په‌یوه‌ندیێن دناڤبه‌را ئه‌ندامێن خێزانا و كارتێكرنا جورێن ..ره‌فتارێن وان كو دبیته‌ ئه‌گه‌رێ دروستبونا زیانێن جه‌سته‌یی و سكسی و ده‌رونی و ژ ده‌ست دانا ئازادیا وان... و ره‌وشه‌نبیریا چڤاكی، یاسایی و ده‌رونی دناڤ ئه‌ندامێن خێزانی بو رێكگیری ژ دروستبونا هه‌ر جور توندوتیژیا. و ل دوماهیێ دانوستاندن ل دوور بابەتی هاتەکرن ژلایێ ئامادەبویان ڤە.