چوار قوتابى هاتنە هەلبژارتن بو بەرنامەکێ تلفزیونى 


 

ب مەرەما پشکداریکرنێ د بەرنامێ ئەستیرەکانى زانکو دا ئەوێ ل کەنالێ کوردستان ٢٤ دهێتە پێشکێشکرن ، ئەڤرو روژا دوو شەمبى رێکەفتى ١٠-٦-٢٠١٩ و ل سەروکاتیا زانکویێ  تێستا دووماهیێ ب قوتابیێن زانکویا پولیتەکنیکى یا دهوک هاتە کرن ، بو ڤێ مەرەمێ هەر کولیژ و پەیمانگەهەکێ دوو قوتابى بەر بژێر کربون ژبو مفا وەرگرتن ژ شیانێن وان ، هەر وەک د تێستا ئێکێ دا دیاربوى کو سەرجەمێ قوتابیێن بەربژێر گەهشتبو ٢٤ قوتابیان و هەمان قوتابیان تێستا تیورى ئەنجام دا بو بەلێ د تێستا دووماهیێ دا بتنێ قوتابێن ئێک کولیژ و دوو پەیمانگەهان ئامادەبون و سەرجەمێ وان دبو ٧ قوتابى و ڤاڤارتنان دەست پێکر و کومەکا پرسیارێن گشتى ژلایێ (م. سرکفت رشید ) سەرپەرشتێ قوتابیان ڤە هاتنە ئاراستەى کرن و هەر قوتابیەک جودا جودا درینشتێ دا دگەل سەرپەرشتى بەرسڤێن خو دان و بتنێ چوار قوتابى هاتنە هەلبژارتن کو پێک دهاتن ژ قوتابیێن کولیژا تەکنیکى تەندروستى یا شێخان و پەیمانگەها تەکنیکى کارگێرى یا دهوک ، و دهێتە چاڤەرێکرن د دەمەکێ نێزیک دا ئەف قوتابێن هاتنە هەلبژارتن د ئێکەم بەرنامەیێ ئەستیرەکانى زانکو دا روى ب روى قوتابیێن زانکویا پزیشکى یا هەولێر بن ئەوێن د سالا بورى دا دبەرنامەیێ دووماهیێ دا سەرکەفتن ب دەست خوڤە ئیناى و لرێزا ئێکێ هاتین و قوتابیێن زانکویا پولیتەکنیکى یا دهوک ل رێزا دووێ هات بون

© Copyright Duhok Polytechnic University (DPU) - All Rights Reserved

Website Admin: Sarbast Ali