سه‌روكێ زانكويا پوليته‌كنيكى يا دهوك (پ.د.عدنان محسن عبدالعزيز) سه‌ره‌دانا كوليژ و په‌يمانگه‌ها ته‌كنيكى كارگێرى كر
ب مه‌ره‌ما هايدار بوون لسه‌ر ره‌وشا كوليژ و په‌يمانگه‌ها ته‌كنيكى كارگێرى دهوك و گه‌نگه‌شه كرن لسه‌ر چه‌ندين بابه‌تان سه‌روكێ زانكويا پوليته‌كنيكى يا دهوك (پ.د.عدنان محسن عبدالعزيز) دگه‌ل رێڤه‌به‌رێ رێڤه‌به‌ريا توێژينه‌وه‌يێن زانستى (د.شڤان كمال عسكر) ل زانكويا پوليته‌كنيكى دهوك سه‌ره‌دانا كوليژ و په‌يمانگه‌ها ته‌كنيكى كارگێرى دهوك كر و ژلايێ هه‌ردوو ڕاگرييان هاتنه پێشوازيكرن ،
خالێن گه‌نگه‌شه لسه‌ر هاتيه كرن :
_ به‌حسكرنا كونفرانسێ نيڤده‌وله‌تى يێ زانستى ئه‌وێ ب هه‌فكارى دگه‌ل زانكويا زاخۆ ل رێكه‌فتى 2ــ4/4/ 2019 دێ هێته ئه‌نجه‌مدان و گرنگيا پشكدارييا ماموستايێن پشكا I.T ب ڤه‌كولينێن زانستى هه‌روه‌سا 15 /1 /2019 دوماهيك ژڤان هاته ده‌ستنيشانكرن بو پێشكێشكرنا ڤه‌كولينێن ماموستايان كو دێ ژلايێ سه‌روكێ زانكويێڤه هێته سه‌رپه‌رشتى كرن ،
_ ته‌كه‌زى كرن لسه‌ر به‌رهه‌فكرنا ئاڤاهيێ نوى و به‌رده‌ستكرنا هه‌موو پێتڤيان ژبوێ چه‌ندێ قوتابى و ستافێ كوليژ و په‌يمانگه‌هێ مفايى ژێ وه‌ربگرن ،
_ ژ خاله‌كا ديتر دڤێ كومبونێ دا به‌حسكرنا ئاهه‌نگا هه‌ڤنياسينا قوتابيێن كوليژ و په‌يمانگه‌هێ و چاوانيا به‌رهه‌ڤيێن ئاهه‌نگێ بوو ئه‌وا ب هه‌لكه‌فتا ساڵا نوى يا خاندنێ دێ هێته گێران ،
_ سه‌ره‌دانێن ڕاگر و جێگرێن ڕاگرا بو به‌شێن نافخو يێن قوتابيان ب فه‌ر دا زانتين كو ل نێزيك ژ ره‌وش و پێتڤياتيێن قوتابيان هايدار بن ،
_سه‌روكێ زانكويێ رولێ هه‌ردوو پشكێن روژنامه‌ڤانيا ئه‌ليكترونى يا كوليژێ و پشكا روژنامه‌ڤانى يا په‌يمانگه‌هێ د پێشڤه‌برنا ئاستێ راگه‌هاندنا كوليژ و په‌يمانگه‌هێ ب تايبه‌ت و زانكويا پوليته‌كنيكى ب گشتى بلند نرخاند ،
_ پيروزباهيكرنا جێگرێ نوى يێ ڕاگرێ كوليژێ (عبدالله سعيد به‌روارى) و ناساندنا وى بو ماموستا و فه‌رمانبه‌ران و داخازا سه‌ركه‌فتنێ بو كر لسه‌ر ئه‌ركێ وى يێ نوى ،
_ ل دووماهيێ سه‌روكێ زانكويێ سوپاسيا هه‌ردوو ڕاگرێن كوليژ و په‌يمانگه‌هێ و جێگرێن وان كر ژبو خزمه‌تا وان يا به‌رچاڤ بو كوليژ و په‌يمانگه‌هێ و پێشڤه‌برنا ئاستێ زانستى ل زانكويا پوليته‌كنيكى يا دهوك ، هه‌روه‌سا سوپاسى و ده‌ستخوشى ئاراسته‌ى به‌نكا ڕاگه‌هاندنێ ل كوليژ و په‌يمانگه‌هێ كرن .