قوتابی هێزەکا مەزنا بەرنیاسا زانستی نە ژ بۆ ئاڤاکرنا کوردستانێ


2019-05-21 10:18:39

 

ژ بۆ هایداربوون لسەر رەوشا قوتابیێن بەشێن ناڤخویێن زانکویا پولیتەکنیکی یا دهوک بەرێز (سەربەست تروانشی) ئەندامێ ئەنجومەنێ سەرکردایەتیا پارتی و بەرپرسێ لقا ئێک و (پروفیسور دکتور عدنان محسن عبدالعزیز )سەروکێ زانکویا پولیتەکنیکی یا دھوک لدیڤ بەرنامەکێ دارشتی بۆ ھەیڤا رەمەزانا پیروز ئەڤرو رێکەفتی ٢٠⁄٥⁄٢٠١٩ سەرەدانەک برە هەر ئێک ژ بەشێن ناڤخوی یێن (نەوروز ، سەربەست) یێن قوتابیێن کور و (برجین ، کوردستان ) یێن قوتابیێن کچان ، د ڤێ سەرەدانێ دا چوار دیدارێن ژێک جودا دگەل قوتابیان ئەنجام دان و بەرپرسێ لقێ گوت: ئەڤرو ئەم خوە سەر بلند دبینین کو خوەدی پێنج زانکوینە ل پارێزگەها دهوکێ و ئەڤە هێزەکا مەزنا بەرنیاسە بۆ ئاڤاکرنا کوردستانێ ژ بۆ ڤێ ئێکێ گەلەک عەزیزان جانێ خوە پێشکێش کریە دا کو ئەم هەبین ، بەلێ سوباهیا کوردستانێ ژی چاڤەرێی هێزا زانستی یە داکو رەڤشتەکێ (جیل) ئاڤاکەر بەرهەم بینیت لەوما دڤێت ئەم هەمی هەست ب بەرپرسایەتیا خاک و نیشتمان و هەستا نەتەوایەتیا خوە بکەین، هەر دڤێ چافپێکەفتنێن خوەدا ب بەلافکرنا ئاهێن خوارنێ یێن لقا ئێک ب هەماهەنگی دگەل زانکویا پولیتەکنیکی یا دھوک خزمەتەک پێکێشی قوتابیان کڕ و قوتابیان ژی سوپاسیا بەرپرسێ لقێ و سەروکێ زانکویا پولیتەکنیکی یا دھوک کر بۆ ڤێ سەرەدانێ وئامەژە ب وێ چەندێ کڕ کو هاتنا سەروکێ زانکویێ و بەرپرسێ لقا ئێک دلخوەشیەکا مەزن دایە وان و نەخاسمە د رۆژێن ئەزمونان دا و ئەڤە ژی پالدەرەکێ گرنگە ژبو سەرکەفتنا قوتابیان.
دھێتە زانین 
سەرجەمێ گشتی یێ قوتابیێن ئاکنجی دناف بەشێن نافخویی دا یێن شەش کولیژ و ھەشت پەیمانگەھێن تەکنیکی یێن زانکویا پولیتەکنیکی یا دھوک دگەھیتە (٢٤٠٨) قوتابیێن کور و کچ ، و دھێتە چاڤەرێکرن سباھی ل دویف بەرنامێ ھاتیە دارشتن خزمەتا چوار بەشێن دی یێن نافخویی ل ناف سەنتەرێ دھوک بھێتە ئەنجامدان و دھەمان دەمدا دێ ل زاخۆ و ئاکرێ و ئامێدیێ و شێخان و شنگال و بەرەدەش ژی ئەف خزمەتە بو قوتابیێن ھێتە پێشکێشکرن.

© Copyright Duhok Polytechnic University (DPU) - All Rights Reserved

Website Admin: Sarbast Ali