رویدان

سه‌نته‌رێ گه‌شه‌پێدانێ ل زانكویا پولیته‌كنیكى یا دهوك، په‌یمانگه‌ها ته‌كنیكى یا ئامێدیێ، ب رێیا رێكخه‌رێ خو یێ سه‌نته‌رى ماموستا (محمد جلیل قاسم) سه‌روكێ پشكا سامانێ ئاژه‌لى و ب هاریكاریا ماموستا (رێنجبه‌ر شمسدین عثمان) به‌رپرسێ بنكا ئایتى ل په‌یمانگه‌هێ، روژا چارشه‌مبى رێكه‌فتى 8/5/2019 ب ئاماده‌بوونا د.هكار زكى راگرێ په‌یمانگه‌هێ و ژماره‌ك ژ ماموستایێن په‌یمانگه‌هێ ل هولا په‌یمانگه‌هێ رابوو ب سازدانا سمیناره‌كێ ل ژێر ناڤ نیشانێ دروستكرن و نڤیسینا ئیمه‌یلى و بكارئینانا مودلى، كو بو قوتابیێن قوناغا ئێكێ یێن په‌یمانگه‌هێ هاته‌ پێشكێشكرن.

د سمینارێ دا ماموستایێ سه‌نته‌رى به‌حسا گرنگیا ڤێ سمینارێ و دروستكرنا ئیمه‌یلى بو هه‌مى قوتابیان كر و گوت پێدڤیه‌ هه‌مى قوتابى تا 12 ڤێ مه‌هێ ئیمه‌یلێ خو هه‌بیت و راده‌ستى وان بكه‌ن ژبه‌ركو بو سالا بهێت یا خواندنێ دێ ب رێیا ڤى ئیمه‌یلى زانیارى و وانه‌ و هه‌ر تشتێ پێدڤى ژ لایێ ماموستایان ڤه‌ بو هێته‌ ره‌وانه‌كرن، هه‌روه‌سا ل ده‌مێ ده‌ردچن و خلاس دبن دێ هه‌ر په‌وه‌ندیێن وان دگه‌ل زانكویێ و ڤى سه‌نته‌رى هه‌بن و بو ده‌لیڤێن كارى ژى دێ مفا ژێ وه‌رگرن، ل دوماهیێ ژى گه‌نگه‌شه‌ ل سه‌ر بابه‌تى ژ لایێ قوتابى و ماموستا و ئاماده‌بوویان ڤه‌ هاته‌ كرن و رێكخه‌رێ سمینارێ به‌رسڤا پرسێن ئاماده‌بوویان دا.

راگه‌هاندنا په‌یمانگه‌هێ