كارگێرى كار قوناغا ئێكێ A بونه قاره‌مانێن ته‌پا پێ ل په‌یمانگه‌ها ته‌كنیكى یا ئامێدیێ
یاریا دوماهیێ ژ قاره‌مانیا ته‌پا پێ یا بچیككرى یا په‌یمانگه‌ها ته‌كنیكى یا ئامێدیێ هاته كرن، تێدا تیما كارگێرى كار قوناغا ئێكێ A سه‌ركه‌فت ب سه‌ر تیما كارگێرى بازارگه‌رى قوناغا ئێكێ ب 2 گولا به‌رامبه‌ر گوله‌كێ.
ئه‌ڤرو روژا دوشه‌مبى رێكه‌فتى 15-4-2019 و ب ئاماده‌بوونا د.هكار زكى راگرێ په‌یمانگه‌هێ و ژماره‌كا زور ژ ماموستا و قوتابیێن په‌یمانگه‌هێ یاریا دوماهیێ ژ قاره‌مانیا ته‌پا پێ یا بچیككرى یا په‌یمانگه‌ها ته‌كنیكى یا ئامێدیێ برێڤه‌چوو، تێدا تیما كارگێرى كار قوناغا ئێكێ A سه‌ركه‌فت ب سه‌ر تیما كارگێرى بازارگه‌رى قوناغا ئێكێ ب 2 گولا به‌رامبه‌ر گوله‌كێ و بو قاره‌ما ته‌پا پێ یا بچیككرى ل په‌یمانگه‌هێ.
ئه‌ڤ قاره‌مانیه ئێكه ژ كارو چالاكیێن وه‌رزشى ل په‌یمانگه‌ها ته‌كنیكى ئامێدیێ، كو بنكا وه‌رزشى ل په‌یمانگه‌هێ ب هاریكاریا بنكا راگه‌هاندنێ و ب سه‌رپه‌رشتیا (د.هكار زكى) راگرێ په‌یمانگه‌هێ رادبیت ب ڤه‌كرنا ڤێ قاره‌مانیێ بو ماموستا و فه‌رمانبه‌ر و قوتابیێن په‌یمانگه‌هێ یێن سپێده و ئێڤاران، ئه‌ڤ قاره‌مانیه ژ 13 تیمان پێك دهات و تێدا تیما كارگێرى كار قوناغا ئێكێ A و تیما كارگێرى بازارگه‌رى قوناغا ئێكێ گه‌هشتن یاریا دوماهیێ و د ئه‌نجامدا تیما كارگێرى كار قوناغا ئێكێ A ب 2 گولا به‌رامبه‌ر گوله‌كێ سه‌ركه‌فت ب سه‌ر تیما كارگێرى بازارگه‌رى قوناغا ئێكێ.
ل دوماهیێ ژى دیارى ب سه‌ر سه‌ركه‌فتیێن ئێكێ و دووێ، هه‌روه‌سا باشترین یاریكه‌ر و باشترین گولا پارێزى د ڤێ قاره‌مانیێ دا هاتن دابه‌شكرن.
ئه‌مژى ب ناڤێ راگه‌هاندن و راگریا په‌یمانگه‌هێ پیروزباهیێ ل سه‌ركه‌فتیێ ئێكێ و دووێ دكه‌ین و دخازین هه‌ر سه‌ركه‌فتیبن.
راگه‌هاندنا په‌یمانگه‌هێ