روژا ئێکێ ژ کونفرانسێ نە بو بکار ئینانا مادەیێن بێهوشکەر هاتە برێڤەبرن


2019-04-07 08:35:53

ئەڤرو رێکەفتى ٧-٤-٢٠١٩ ل دەمژمێر ١٠:٠٠ سپێدێ و ب ئامادەبونا هژمارەکا رێڤەبەر و بەرپرس و لایەنێن حزبى و حکومى و هژمارەکا زور یا قوتابێن بەشێن نافخوى یێن زانکویا پولیتەکنیکى یا دهوک روژا ئێکێ یا کونفرانسێ بەرهنگاربونا بەربەلافبونا مادەیێن بێهوشکەر ل کولیژا تەکنیکى ئەندازیارى و پەیمانگەها تەکنیکى یا دهوک و ب هەماهەنگیا زانکویا پولیتەکنیکى یا دهوک و رێڤەبەریا رەوشەنبیرى و هونەرى و ب سپونسەریا تورا میدیایی یا وار هاتە برێڤەبرن

ل دەستپێکا کونفرانسى (پ.د.عدنان محسن عبدالعزیز) سەروکێ زانکویا پولیتەکنیکى یا دهوک دپەیڤەکێ دا رولێ زانکویێ دهشیارکرنا جڤاکى دا دیارکرن و ئەو چەندە ژى دیارکر کو زانکو ژبلى لایەنێ زانستى و ئەکادیمى دێ هەمى بزاڤان کەت ژبو بەرسینک گرتنا هەر جورە مەترسیەکا بڤى رەنگى بهێتە دناف پارێزگەها دهوکێ دا ،

و دێڤدا پەێڤا رێڤەبەرێ گشتى یێ رێڤەبەریا گشتى یا رەوشەنبیرى و هونەرى ل دهوک ژلایێ ( ایوب رمضان ) ڤە هاتە پێشکێشکرن

و دیڤدا و دپەنەلێ ئێکێ دا (د.عارف حیتو ) ى وەک لایەنێ جڤاکى گەشنگەشە لسەر مەترسیا بکار ئێنانا مادەیێن بێهوشکەر کر و هەردیسان (د.ضياء مصطفى ) لاینێ تەندروستى و ب تایبەت کیمیا نەخوشیا بو ئامادەبویان شروڤەکر

و دپەنەلێ دووێ دا رولێ پەرلەمانى ژلایێ (پ.د.وعدى سلێمان ) ڤە هاتە دیارکرن و لایەنى یاسایى ژلایێ دادوەر عەبدولرەحمان زێبارى ڤە هاتە شروڤەکرن و خرابیا بکارئینانا مادەیێن بێهوشکەر ژلایێ چالاکڤان دلگەش ڤە هاتە شروڤەکرن پشتى کو چارەسەریا خو یا تمام ژ بکارئینانێ وەرگرتى

© Copyright Duhok Polytechnic University (DPU) - All Rights Reserved

Website Admin: Sarbast Ali