روژا ئێکێ یا کونفرانسێ هەفپشکێ زانکویا پولیتەکنیکى یا دهوک و زانکویا زاخو بدووماهیک هات


 

ئەڤرو رۆژا سێ شه‌مبێ ڕێكه‌ڤتی (2/4/2019) لده‌مژمێر (10:00) سپیدێ دوویه‌مین كۆنفرانسێ نێڤده‌وله‌تی یێ ئه‌ندازیاری و زانستێن پێشكه‌ڤتی لژێر چاڤدێریا ڕاسته‌وخۆ یا ڕێكخراوا (IEEE) یا ئه‌مریكی تایێ ئیراقێ و ب هەفپشکیا زانکویا پولیتەکنیکى یا دهوک و زانکویا زاخو ل فه‌كۆلتیا زانست هاته‌ ئەنجام دان، و هەر ئێک ژ بەرێز (پ.د. عد‌نان محسن عبدالعزیز) سه‌رۆكێ زانكۆیا پۆلیته‌كنیك یا دهۆكێ و (پ.هـ .د. لزگین عبدى جمیل) سه‌رۆكێ زانكۆیا زاخۆ و دكتۆر (داود ئه‌ترۆشی) نوینه‌رێ وه‌زاره‌تا خواندنا بلند و ڤه‌كۆلینێن زانستی وچەندین  ئه‌ندامێن په‌رله‌مانێ كوردستانێ و ئیراقێ و هەروەسا هژمارەکا هاریكارێن سه‌رۆكێ زانكۆیێن پارێزگەها دهوکێ و دگەل دا ڕاگرێن كۆلیژ وپەیمانگەهان و نوینه‌رێن دامو ده‌زگه‌هێن حزبی و حكومی و ماموستا و قوتابییان زانكۆیێ و سازیێن ڕاگه‌هاندنێ ئامادەبون .

ئاماده‌بوویان وه‌ك ڕێزگرتن خۆله‌كه‌كا بێده‌نگی یێ دگه‌ل سروودێن نیشتیمانی یێن كوردستان و ئیراقێ لسه‌ر گیانێ جانگۆریێن بزاڤا ڕزگاریخوازا گه‌لێ كورد ڕاوه‌ستیانو دیڤدا(پ.هـ.د. لزگین عبدى جمیل) سه‌رۆكێ زانكۆیا زاخۆ ب بخێرهاتنا هەمو لایەکى کر و ڕێوره‌سمێن دوویه‌مین كۆنفرانسێ نێڤده‌وله‌تی ده‌ستپێكرن

وهەر بڤى مەرەمێ ڕێزدار (پ.د.عدنان محسن عبدالعزیز) سه‌رۆكێ زانكۆیا پۆلیته‌كنیكى یا دهۆكێ، دپەیڤەکێ دا بخێرهاتنا مێهڤانێن هێژا كر و ب ئاوایه‌كێ ئه‌كادیمیانه‌ و ب تێر و ته‌سه‌لی ئاماژه‌ ب قوناغێن كاركرنا هەفپشک و و چاوانییا ڕێكخستنا كۆنفرانسی دوویێ یێ هەردوو زانکویا دا دیارکرن و هه‌روه‌سا ده‌ستخۆشی ل ڕێڤه‌به‌ر و ستافێ كاری و ڤه‌كۆله‌ر و گوهدارێن کونفرانسى كر و خواست ب به‌رده‌وامی گرنگیێ ب بابه‌تێن زانستی بهێتە دان وكۆنفرانسێن نێڤده‌وله‌تی بهێنە گێران،.

دیڤدا (د. داود ا‌تروشی) نوینه‌رێ وه‌زیرێ خواندنا بلند و ڤه‌كۆلینێن زانستی په‌یڤا وه‌زاره‌تێ پێشكێشكر و سلاڤێن وه‌زیری گه‌هاندن، پاشان ده‌ستخۆشی ل ڕێكخه‌ر و ئه‌ندامێن دووە‌مین كۆنفرانسێ نێڤده‌وله‌تی یێ ئەندازیارى و زانستێن پێشکەفتى كرن و پشته‌ڤانییا وه‌زاره‌تێ بۆ كار و چالاكیێن بڤى رەنگى دانە دیارکرن،

دبەردەوامیا برگە و رێورەسمێن کونفرانسى دا ڕێڤه‌به‌رێن كۆنفرانسی یێن هەر دوو زانكۆیان چه‌ندین ته‌وه‌رێن گرنگ ئازراندن و باس ل كار و چالاكیێن كۆنفرانسی كرن.

دهێتە زانین

كۆنفرانسێ هەفپشکێ زانکویا پولیتەکنیکى یا دهوک و زانکویا زاخو یێ نێڤدەولەتى یێ ئەندازیارى و زانستێن پێشکەفتى د روژا ئێکێ دا نوینەرێن (16) وه‌لاتێن جوداجودا وەک ڤەکولەر و گوهدار پشكداری دکونفرانسى دا کر و ژسەرجەمێ (194) ڤه‌كۆلینێن بو  لیژنه‌یا هه‌لسه‌نگاندن و بریاردانێ هاتینە هنارتن بتنێ (63) ڤه‌كۆلین هاتبونە‌ قه‌بویلكرن

و سوباهی روژا دوو ژ کونفرانسى کو دبیتە روژا چوار شەمب رێکەفتى (3/4/2019)دێ بەردەوامى ب کونفرانسى هێتە دان ل زانکویا پولیتەکنیکى یا دهوک / کولیژا تەکنیکى ئەندازیارى یا دهوک

© Copyright Duhok Polytechnic University (DPU) - All Rights Reserved

Website Admin: Sarbast Ali