کومبونا لێژنێن ئەزمونا لسەروکاتیا زانکویێ هاتە ئەنجام دان


2019-01-20 07:44:51

 

ئەڤرو روژا ئێک شەمبى رێکەفتى ٢٠/١/٢٠١٩ و لدەمژمێر ١٠:٠٠ سپێدێ و ب ئامادەبونا سەروکێ زانکویا پولیتەکنیکى یا دهوک زور بەرێز ( پ.د. عدنان محسن عبدالعزیز ) و هەر سێ هاریکارێن سەروکێ زانکویێ کومبونا لێژنێن ئەزمونا یێن گشت کولیژ و پەیمانگەهان یێن خاندنا سپێدەهیان و ئێڤاران ل سەروکاتیا زانکویێ هاتە ئەنجام دان

ل دەست پێکا کومبونێ سەروکێ زانکویێ پەیڤەک پێشکێشى ئامادەبویان کر تەکەزى لسەر جهەکێ گونجاى و ئارام کر ژبو لژنێن ئەزمونا یێن کولیژ و پەیمانگەهان ودیڤدا خالێن لیژنا بلند یا ئەزمونان ژلایێ سەروک و ئەندامێن لیژنێ نافبرى ڤە دگەل سەروک لیژنێن ئەزمونا یێن گشت کولیژ و پەیمانگەهان هاتنە گەنگەشەکرن و تەکەزى لسەر ڤان خالا هاتە کرن ،  لدیف رێنمێن جڤاتا زانکویا ئەزمونا تیورى دناف هولێ دا لسەر کاغەزى بێتە ئەنجام دان و ئەزمونا پراکتیکى قوتابى بخو ئەنجام بدەت وەک کومکرنا داتا و سەرەدانا جهێ دەست نیشانکرى یان وەرگرتنا داتا ب رێکا کارکرنێ لسەر ئامیرا دناف تاقیگەهان دا و تێستەکا کیمیایى یا فیزیایى یان بایولوجى دناف تاقیگەهێ دا ئەنجام بدەت دگەل بکار ئینانا پێتڤین تاقیگەهێ یان کارکرن ب پروگرامێن کومپیوتەرى .... هتد ئانکو ئەزمونا پراکتیکى دناف لاب و تاقیگەهـان دا بێتە ئەنجام دان ، هەر دیسان نا بیت ب هیچ رەنگەکى پارچا تەکنیکى ژ پروگرامێ خاندنێ یێ وانەیان بهێتە لادان و بتایبەت دناف ئەزمونا پراکتیکى دا چونکە ئەف پارچە یا گرێدایە ب زانکویا مە ڤە ، و هەردیسان  پەیوەندیا لیژنا ئەزمونا ب هێزتر بیت دگەل پشکێن زانستى ژبو رێک و پێک کرنا تاقیگەهان و دەستنیشانکرنا هژمارەکا کێم یا هاریکار و چاڤدێرا ژبو ئەنجام دانا ئەزمونا پراکتیکى چونکى ئەو ئەزمونا دووماهیێ یە و گشت خال و رێنمایێن تایبەت ب لیژنا ئەزمونان ڤە گرێداینە . و لدووماهێی سەروکێ لیژنا بلند یێ ئەزمونان بەرێز (د.رجب ابراهیم حمید ) هاریکارێ سەروکێ زانکویێ بو کاروبارێن قوتابیان سوپاسیا سەروکێ زانکویێ کر و هێڤیا سەرکەفتنێ بو لیژنێن ئەزمونا و قوتابیان خواست .

© Copyright Duhok Polytechnic University (DPU) - All Rights Reserved

Website Admin: Sarbast Ali