رویدان

راگرێ په‌یمانگه‌هێ پیروزباهى ل قوتابێن قوناغا ئێكێ كر و هیڤیا سه‌ركه‌فتنێ بو خواست، هاریكارێ راگرى و به‌رپرسا به‌شێن ناڤخویى ژى ژبلى پیروزباهیێ، پێگیریكرن ب ده‌وامێ و  رێنمایێن به‌شێن ناڤخویى بو قوتابیان گوتن.

روژا چارشه‌مبى رێكه‌فتى 5/12/2018 ل هولا په‌یمانگه‌هێ به‌رێز د.هكار زكى راگرێ په‌یمانگه‌هێ دگه‌ل قوتابێن ئه‌ڤ ساله‌ ل قوناغا ئێكێ ل په‌یمانگه‌هێ هاتینه‌ وه‌رگرتن كومبوو بخێرهاتنا قوتابیان كر و سالا نوویا خواندنێ ل هه‌مى قوتابێن نوو هاتینه‌ وه‌رگرتن پیروزكر و هیڤیا سه‌ركه‌فتنێ بو هه‌میان خواست و داخاز لێ كر كو پێگیرى ده‌وامێ بن و رێزێ ل ماموستا و فه‌رمانبه‌ران بگرن، داخاز ژى كر كو گرنگیێ ب خواندنا خوه‌ بده‌ن و به‌رهه‌مێ ره‌نجا خوه‌ یا چه‌ندین سالێن خواندنێ ب ده‌ست ڤه‌ بینن.

هه‌روه‌سا ماموستا بنار امین هاریكارێ راگرێ په‌یمانگه‌هێ ژى پیروزباهى ل هه‌مى قوتابیان كر و سالا نوویا خواندنێ لێ پیروز كر و هیڤیا سه‌ركه‌فتنێ بو قوتابیان خواست و رێنمایێن په‌یمانگه‌هێ بو قوتابیان رونكرن و خویاكر كو نابیت چ قوتابى بێ باج داخلى په‌یمانگه‌هێ ببن و داخاز لێ كر هاریكار بن و رێزێ ل ماموستایان بگرن.

ژ لایێ خوڤه‌ ژى ماموستا سوزان به‌رپرسا پشكێن ناڤخویى ل په‌یمانگه‌هێ ژبلى پیروزباهیێ ل قوتابیان چه‌ندین رێنمایێن به‌شێن ناڤخویى بو قوتابیێن به‌شێن ناڤخویى یێن كچان و كوران گوتن و داخاز لێ كر كو پێگیرى رێنمایان بن، به‌روڤاژى هه‌ر كه‌سێ سه‌رپێچیا وان رێنمایان بكه‌ت دێ ل گور رێنمایان سه‌ره‌ده‌رى دگه‌ل هێته‌ كرن و سزادان، رێنمایى ژى وه‌ك چاڤدێری و پاراستنا كه‌ل و په‌ل و به‌شێن ناڤخویى و چونه‌ ژور و ده‌ركه‌تنا قوتابیێن كچ ل ده‌مژمێر پێنجێ ئێڤارى و قه‌ده‌غه‌یا مێڤانان بو به‌شێن ناڤخویى و قه‌ده‌غه‌یا مه‌شروبێ و چه‌ندین رێنمایێن دى...

راگه‌هاندنا په‌یمانگه‌هێ