سەروکێ زانکویا پولیتەکنیکى یا دهوک پیروزباهیا رێڤەبەرێ نوى یێ راگەهاندنێ کر


پشتى ژلایێ سەروکێ زانکویێ ڤە هاتیە راسپاردن ب ئەرکێ رێڤەبەرێ نوى یێ رێڤەبەریا راگەهاندنێ  ئەڤرو زور بەرێز (پ.د. عدنان محسن عبدالعزیز ) سەروکێ زانکویا پولیتەکنیکى یا دهوک دگەل بەرێز (د. رجب ابراهيم حمید ) هاریکارێ سەروکێ زانکویێ بو کاروبارێن قوتابیان پیروزباهى ل (م.سرکفت رشید ) رێڤەبەرێ نوى یێ رێڤەبەریا راگەهاندنێ ل سەروکاتیا زانکویێ کر و ئاماژە ب چالاکرن و بەلافکرنا چالاکێن زانکویێ کر , ژبو وێ چەندێ ب رەنگەکێ باشتر بهێنە نیشان دان و دئایندەکێ نێزیک دا زانکویا پولیتەکنیکى یا دهوک رێزبەندیا خو بگوهریت و بەرەف رێزێن پێشیێ بچیت , ژلایێ خو ڤە رێڤەبەرێ نوى یێ رێڤەبەریا راگەهاندنێ پلانا خو یا کارى دیار کر ژبو پێشڤە چونا رولێ راگەهاندنێ ل زانکویا پولیتەکنیکى یا دهوک دگەل گشت زانکویێن هەرێما کوردستانێ .

دهێتە زانین

م. سرکفت رشید هەلگرێ باوەرناما ماستەرێ یە دبوارێ راگەهاندنا وەرزشى دا و ل رێکەفتى ١١/١١/٢٠١٨ دەست بکارێ خو کریە وەک رێڤەبەرێ نوى یێ رێڤەبەریا راگەهاندنێ ل زانکویا پولیتەکنیکى یا دهوک وپێشتر بەرپرسێ هوبا زانستى بو ل کولیژا تەکنیکى ئەندازیارى یا دهوک و دهەمان دەم دا ماموستایێ کولیژا تەکنیکى کارگیرى بو ل پشکا روژنامەڤانیا ئەلکترونى و هەردیسان چەندین گوتار و بابەتێن راگەهاندنێ ل روژنامە و سایتێن ئەلکترونی بەلافکرینە وەکى (روژنا ئەڤرو و روژناما وار و وار سپورت و وێبسایتێ وێستگە و ئەڤرو نیوز و دهوک میدیا و وار میدیا و هەردیسان وەک پەیامنێر و پێشکێشکار ل چەندین دەزگەهێن راگەهاندنێ کار کریە وەکى (رادیویا زانکو و کەنالێ وار و کەنالێ ئاڤا و کەنالێ داسنیا) و هەردیسان وەک شروڤەکار و میدیاکارێ وەرزشى ل چەندین کەنالێن ئاسمانى و لوکال یێن هەرێما کوردستانێ هاتیە مێهڤان کرن .

© Copyright Duhok Polytechnic University (DPU) - All Rights Reserved

Website Admin: Sarbast Ali