رویدان

ل ژێر درۆشمێ ((زانست و شیانێن مە دێ کوردستانێ ب هێز ئێخیت)) رۆژا ئێک شه‌مبی رێكه‌فتێ 2017/10/7 ل هولا کونفراسا يا ئاكرێ ئاهەنگا ده‌رچوويێن خو يا گه‌را (1)ێ ل سه‌ر ئاستێ كولیژا ته‌كنيكی ئاكرێ و گه‌را (5)ێ ل سه‌ر ئاستێ زانكۆيا پوليته‌كنيكی يا دهۆك يا سالا خاندنێ 2017_2018 گێرا ، و ب ئاماده‌بوونا رێزدار (پ.هـ.د. رجب ابراهیم حمید ) جێگرێ سه‌روكێ زانكۆيێ بۆ كاروبارێن قوتابیان و به‌رێز (مازن محمد سعید) ده‌ڤه‌ردارێ قه‌زا ئاكرێ و بەرێز (د. منهل الهام عبدال) راگرێ  کولیژا تەکنیکى- ئاکرێ و به‌رێز (د. هڤال سليم طيب) راگرێ كوليژا په‌روه‌رده‌- ئاكرێ و چه‌ندين رێڤه‌به‌رو به‌رپرسێن دام و ده‌زگه‌هێن ميری و نۆێنه‌رين لايه‌نێن سياسی يێن ده‌ڤه‌رێ و چه‌ندين مامۆستايێن هێژا و هژماره‌كا زور يا كه‌س و كارێن قوتابيان برێڤه‌چوو. جهێ ئاماژه‌بوونێ يه‌ ئه‌ڤ ئاهەنگە ب چاڤدێريا زانكۆيا پوليته‌كنيكی يا دهۆك و سه‌رپه‌رشتيا کولیژ و په‌يمانگه‌ها ته‌كنيكی-ئاكرێ هاته‌ سازدان كۆ تێدا (72) قوتابی ده‌رچوون و باوه‌رناما بکالوریوسا ته‌كنيكی ل بسپوریا (تەکنەلوجیا زانیارى و رەزگەرى) بده‌ست خوڤه‌ ئينان كۆ بكه‌ڤنه‌ گوره‌پانا خزمه‌تا ملله‌تێ خودا و  رۆله‌كێ مه‌زن و وه‌فادار بۆ خاك و نيشتيمانێ خو ببينن .

سوپاس بۆ خودێ و سوپاس بۆ ليژنا سه‌رپه‌رشت و وان مامۆستايا و فه‌رمانبه‌را ئه‌وێن كارو خزمه‌ت كری بۆ سازكرن و سه‌ركه‌فتنا ڤێ ئاهەنگێ . سوپاس بۆ هه‌می ده‌زگايێن ئه‌منی و سوپاس بۆ حازربونا هه‌می دام و ده‌زگايێن حزبی و حكومی و له‌شكری و جه‌ماوه‌ری و راگه‌هاندنێ . و ل دوماهيێ بناڤێ راگه‌هاندنا کولیژا ته‌كنيكی-ئاكرێ پيروزباهيێ ل هه‌می قوتابيێن ده‌رچوويی و كه‌س كارێن وان دكه‌ين و داخازا سه‌ركه‌فتنێ بۆ هه‌ميا خازين بۆ خزمه‌ت كرنا جڤاكی و ده‌زگه‌هێن گشتی و تايبه‌ت .