رویدان

ل ژێر درۆشمێ ((زانست و شیانێن مە دێ کوردستانێ بهێز ئێخیت)) ئاهەنگا ده‌رچوونا قوتابیێن په‌يمانگه‌ها ته‌كنيكی ئامێدیێ گه‌را (۱۳)ێ و گەرا (٦) یا زانكۆيا پوليته‌كنيكی يا دهۆك يا سالا خاندنێ ۲۰۱۷-۲۰۱۸ ل پەیمانگەهێ هاتە گێران، ئاهەنگا دەرچوونێ ب ئاماده‌بوونا رێزدار (د.صلاح) هاریکارێ سه‌روكێ زانكۆيێ بۆ كاروبارێن کارگێری و دارایی و بەرێز دەڤەردارێ ئامێدیێ و چه‌ندين رێڤه‌به‌رو به‌رپرسێن دام و ده‌زگه‌هێن ميری و حزبی و مامۆستا و کەس و کارێن قوتابیێن دەرچوویی برێڤەچوو. هەژی گوتنێ یە کو دڤێ گەرا دەرچوونێ دا ۲۳٦ قوتابی ل هەر شەش پشکێن زانستی (کارگێری گەشتیاری، شروڤەکرنا نەخوشیان، کارگێری بازارگەری، تەکنولوجیا زانیار ئایتی سپێدەیان، تەکنولوجیا زانیاری ئایتی ئێڤاران، کارگێری کار ئێڤاران) ل پەیمانگەهێ دەرچوون و تەڤلی کاروانێ ئاڤەدانی و ڤەژاندنا کوردستانی بوون. پشتی رێورەسمێن دەرچوونێ دیاری ب سەر سەرکەفتیێن ئێکێ یێن هەر شەش پشکێن پەیمانگەهێ دا هاتنە دابەشکرن. ل دوماهیێ ژی ب ناڤێ راگەهاندنا پەیمانگەهێ زور سوپاسیا ليژنا سه‌رپه‌رشت و وان هەموو مامۆستاو فه‌رمانبه‌رێن پەیمانگەهێ دکەین کو کار کری و هاریکار بوونە دگەل مەدا بو سازكرن و برێڤەبرنا ڤێ ئاهەنگێ . هەروەسا سوپاس بۆ ده‌زگايێن ئه‌منی هاریکار بوون. هەروەسا بناڤێ راگه‌هاندنا په‌يمانگه‌ها ته‌كنيكی یا ئامێدیێ پيروزباهيێ ل قوتابيێن ده‌رچوويی دکەین و داخازا سه‌ركه‌فتنێ بۆ هەموویا دخازين هەر سەرکەفتیبن.