رویدان

پانێله‌ك و گه‌نگه‌شه‌یه‌كا ڤه‌كرى دا ل ئامێدیێ هێمن هه‌ورامى ره‌وشا نها یا كوردستانێ و ئیراقێ ب گشتى و تایبه‌ت پشتى ریفراندوما هه‌رێمێ به‌حسكر. ئه‌ڤرو روژا دووشه‌مبى رێكه‌فتى 30-7-2018 په‌یمانگه‌ها ته‌كنیكى یا ئامێدیێ ب به‌رهه‌ڤبوونا هاریكارێ سه‌روكێ زانكویا پولیته‌كنیكى یا دهوكێ و ده‌ڤه‌ردارێ ئامێدیێ و به‌رپرس و رێڤه‌به‌رێن حكومى و حزبى و په‌رله‌مانتار و ریهـ سپی و ماقولێن ده‌ڤه‌رێ و ماموستایێن په‌یمانگه‌هێ، ل هولا ره‌وشه‌نبیرى یا ئامێدیێ رابوو ب سازكرن و رێكخستنا پانێل و گه‌نگه‌شه‌یه‌كا ڤه‌كرى بو به‌رێز هێمن هه‌ورامى ئه‌ندامێ سه‌ركردایه‌تیا پارتى كو ل دوور ره‌وشا كوردستانێ ب گشتى و تایبه‌ت پشتى ریفراندوما هه‌رێمێ، هه‌روه‌سا ره‌وشا ئیراقێ و مه‌رجێن كوردان د به‌شداریا  پێكئینانا حكومه‌تا نوودا هات پێشكێش كرن. د گوتوبێژ و گه‌نگه‌شه‌یا ڤه‌كرى دا كو ژ ئالیێ د.هكار زكى راگرێ په‌یمانگه‌ها ته‌كنیكى یا ئامێدیێ دگه‌ل به‌رێز هێمن هه‌ورامى ئه‌ندامێ سه‌ركردایه‌تیا پارتى هات برێڤه‌برن، گه‌نگه‌شه‌ ل سه‌ر چه‌ند ته‌وه‌ره‌كان هاته‌ كرن و تێدا به‌رێز هه‌ورامى به‌حسا ریفراندوما كوردستانێ و ئه‌گه‌رێن كرن و نه‌پاشخستنا وێ، هه‌روه‌سا ره‌وشا نها یا كوردستانێ و رولێ بارزانى وه‌ك كارێزمایه‌ك د چاره‌سه‌ركرنا پرسگرێكاندا و پێكئینانا حكومه‌تا نوو یا ئیراقێ و هه‌لبژارتنێن بهێت یێن كوردستانێ به‌حس كرن. ل دوماهیێ ژى ده‌رگه‌هێ پرسیاران هاته‌ ڤه‌كرن و به‌رێزى ب راشكاوى به‌رسڤا هه‌موو پرسێن ئاماده‌بوویان دا.