ده‌هه‌مین ئاهەنگا گه‌را ده‌رچوونا قوتابیێن زانکۆیا پۆلیته‌کنیکی یا دهۆک هاتە گێران
ده‌هه‌مین ئاهەنگا گه‌را ده‌رچوونا قوتابیێن زانکۆیا پۆلیته‌کنیکی یا دهۆک هاتە گێران
دگه‌را ده‌هێ یا ده‌چوونێ دا ٣٩٣٨ قوتابی ل زانکۆیا پۆلیته‌کنیکی یادهۆک ده‌رچوون
ئەڤرۆ رێککه‌فتی ١٥-١١-٢٠٢٢ و لژێر چاڤدێریا وه‌زیرێ خۆاندنا بڵند و ڤه‌کۆلینێن زانستی و لژێر دروشمێ (به‌رف پاشه‌روژه‌کا ته‌کنیکی یا سه‌رده‌م بۆ کوردستانه‌کا بهێز) ل هۆلا ره‌وشه‌نبیری و هونه‌ری یا قه‌زا سێمێلێ و ب ئاماده‌بوونا د.ئارام محەمەد وه‌زیرێ خۆاندنا بڵند و ڤه‌کۆلینێن زانستی و د.عەلی تەتەر پارێزگارێ دهۆکی و ژماره‌کا رێڤەبەر و بەرپرسێن حکۆمی و حزبی و رێکخراوێن جڤاکێ مه‌ده‌نی و ماموستا و قوتابی و خێزانێن ده‌رچوویان ده‌هه‌مین ئاهه‌نگا ده‌رچوونێ قوتابیان هاته گێران.
دبرگا ئێکێ یا ئاهه‌نگێ دا رێپیڤانا قوتابیان و ماموستا وجڤاتا زانکۆیێ ده‌سپێکڕ و برگا دووێ دا بخێرهاتنا مێهڤانا و خێزانێن وان و ده‌رچوویان هاته‌کرن ژلایێ پ. د. ئاری عادل سه‌رۆکا زانکۆیا پۆلیته‌کنیکی یا دهۆک پاشان په‌یڤا د. ئارام محەمەد وه‌زیرێ خۆاندنا بڵند و ڤه‌کۆلینێن زانستی هاته خواندن و پیروزباهی ل ده‌رچوویان کر و ژلایه‌کی دیڤه سه‌رۆکێ به‌رێ یێ زانکۆیا پۆلیته‌کینکی یا دهۆک پ. د. عەدنان محسن هاته خه‌لاتکرن.
دبەردەوامیا برگەیێن ئاهەنگێ دا سویندا ده‌رچوویان ژلایێ پ. ھ. د. رەجەب ئیبراهیم هاته خواندن و قووتابیان دیفرا ڤەگێرا و ژلایێ خو ڤە پ. ھ. د. سەلاح عەبدال داخازا باوه‌رنامەیێن قوتابیان ژ سه‌رۆکا زانکۆیێ کرن و سەرۆکا زانکۆیێ ژی هەر ئێک و ل دویف بسپوریا وی پێ بەخشی دوویف دا ب رێپیڤان ده‌هه‌مین ئاهه‌نگا ده‌رچوونێ هاته بدووماهیک ئینان.