چاره‌مین کونفرانسێ نێڤدەولەتیێ ئه‌ندازیاری و زانستێن پێشکەفتی بدویماهیک هات
چاره‌مین کونفرانسێ نێڤدەولەتیێ ئه‌ندازیاری و زانستێن پێشکەفتی بدویماهیک هات
ل ژێر چاڤدێریا (د. ئارام محمد قادر) وەزیرێ خواندنا بلند و ڤەکۆلینێن زانستی و ب ئامادەبونا سەرۆک زانکۆیێن هەفپشک و زێدەتر ژ 150 ماموستایێن زانکۆیێن هەرێما کوردستانێ و عیراقێ وڤەکولەرێن 14وەلاتێن بیانى، رێورەسمێن ب دویماهیێ ئینانا کۆنفرانسی ل هولا کوردستان یا زانکۆیا پۆلیتەکنیکی یا دهۆک هاتنە گێران
د برگەیا ئێکێ دا په‌یڤا ب دویماهی ئینانا کونفرانسى ژلایێ (پ. د. ئاری عادل) سەرۆکا زانکۆیا پۆلیتەکنیکی یا دهۆک ڤە هاتە خواندن، پشتی سۆپاسیا ڤەکولەر و هەلسەنگێنەر و لیژنێن برێڤەبرنا کونفرانسی کری دکتورە ئاری گوت: ئەنجامدانا کونفرانسەکێ نێڤدەولەتی ب هەفپشکیا سێ زانکۆیا نە کارەکێ ئاسانە بەلکو یێ بزەحمەتە بەلێ ل سەر هەبونا ئاریشە و ئاستەنگان دئەڤى کونفرانسى و هەر سێ هژمارێن دى دا ئەم ژ کارکرنێ نە راوەستاندینە، و دێ بزاڤێ کەین پێداچوونێ بۆ دەستکەفتێن هەر هژمارەکێ بکەین و هەر نوکە پلانا کارکرنێ بۆ هژمارا پێنجێ بدانین و ب هەڤرا کار بکەین و گرنکترین خالێن بهێز ولاواز دەستنیشان بکەین ژبو وێ چەندێ کونفرانسێ بهێت ب باشترین شێوە و ب رێژەیەکا زورتر و بەرفرەهتر بهێتە ئەنجام دان.
د برگەیا دووێ و سێ یێ دا باوەرنامە و خەلات ب سەر سێ باشترین ڤەکولین و سێ باشترین هەلسەنگێنەر و هەر چار کونفرانس چێران ژلایێ سەرۆک زانکۆیێن پۆلیتەکنیکی یا دهۆک، زانکۆیا زاخۆ و زانکۆیا تەکنیکی یا باکۆر ڤە هاتنە بەلافکرن
دهێتە زانین: ئه‌ڤه چاره‌مین کونفرانسێ هه‌ڤپشکه ب هەڤکاریا ڕێکخراوا IEEE تایێ عێراقێ دهێتە ڕێکخستن و 166 ڤەکولین ژ 14 وەلاتێن عەرەبى و بیانى هاتبونە پێشکێشکرن و رەزامەندى لسەر 71 ڤەکولینان هاتبوو کرن و 150 ڤه‌کوله‌ران پشکداری کر بوو وزێدەتر ژ 500 هه‌لسه‌نگێنه‌ران هه‌لسه‌نگاندن بۆ ڤه‌کولینان کر بوو، ودهێتە چاڤەرێکرن ئەڤ ڤه‌کولینه ل دوو گوڤارێن scopus وگوڤارەکا DOAJ و ئێکا DOI ب رێیا IEEE Xplore و AIP بهێنە بەلافکرن.