چارەمین کۆنفرانسێ زانستی ل زانکۆیا زاخۆ دەستپێکر

چارەمین کۆنفرانسێ زانستی ل زانکۆیا زاخۆ دەستپێکر

ل ژێر چاڤدێریا (د. ئارام محمد قادر) وەزیرێ خواندنا بلند و ڤەکۆلینێن زانستی و ب ئامادەبونا هژمارەکا ماموستایێن زانکۆیێن هەرێما کودرستانێ و عیراقێ و بیانى رێورەسمێن چاره‌مین کونفرانسێ نێڤدەولەتى یێ ئه‌ندازیاری و زانستێن پێشکه‌فتی ئەوێ ژلایێ هەر سێ زانکۆیێن (زاخۆ، پولیتەکنیکی دهۆک، تەکنیکى یا باکور) ڤە هاتیە رێکخستن ل زانکۆیا زاخو دەستپێکرن

دەستپێکا کۆنفرانسی ب هەر دوو سرودێن نشتیمانیێن (عێراق، کوردستان) و راوەستیان بۆ گیانێ شەهیدان ، پەیڤا بخێرهاتنێ دەستپێکر 

وپەیڤا ڤەکرنا کونفرانسى و بخێرهاتنا ئامادەبویان یا هەر سێ زانکۆیان ژلایێ (د. ناظم سليمان عبدالعزيز) سەرۆکێ زانکۆیا زاخۆ ڤە هاتە خواندن و تەکەزى ل سەر گرنگیا پێکڤە کارکرنێ دبوارێ زانستیدا کر و ئاماژە ب وێ چەندێ کر کو دێ کارکرنا هەفپشک یا بەردەوام بیت، ب مەرەما خزمەتکرنا جڤاکى ژلایێ زانیاریان ڤە.

پەیڤا نوینەرێ وەزارەتا خواندنا بلند و ڤەکۆلینێن زانستی ژ لایێ (د. صباح وەيسی)ڤە هاتە خواندن و تێدا دەستخۆشی ل هەر سێ زانکویان کر ب مەرەما ئامادەکرنا ئەڤی کۆنفراسى

ژلایەکێ دیڤە پەیڤا سەرپەرشێ گشتیێ کۆنفرانسی ژ لایێ (د. کاروان فەهمی سامی) هاریکارێ سەرۆکێ زانکۆیا زاخۆ بۆ کاروبارێن قوتابیان ڤە هاتە خواندن، وتەکەزى ل سەر دەستپێکرنا کۆنفرانسی و کار و چاڵاکیێن کۆنفراسی کر، هیڤی خواست هەر دوو ڕۆژێن کۆنفراسی ب باشی و ل گورەیی پرۆگرامێن هاتینە دەستنیشانکرن بهێنە برێڤەبرن.

دیڤدا ڤەکولەر بەرەف هولاێن پێشکێشکرنا سمینارێن ڤەکولینێن خوە چوون و ماموستایێن ئامادەبوویی هەر ئێک ل گۆرەیێ شارەزایی و بسپوریا خۆ سمینارا خۆ پێشکێشکر.

دهێتە زانین: ئەف کونفرانسە ب هەڤپشکی یا هەر سێ زانکۆیێن حکومی زانکۆیا پۆلیتەکنیکى یا دهۆک، زانکۆیا زاخۆ و زانکۆیا تەکنیکی یا باکۆر ب شێوە ئامادەبوون وئونڵاین ب هەڤکاریا ڕێکخراوا IEEE تایێ عێراقێ هاتیە ڕێکخستن و 166 ڤەکولین ژ 14 وەلاتێن عەرەبى و بیانى هاتبونە پێشکێشکرن و رەزامەندى لسەر 71 ڤەکوینان هاتیە دان و ئەف ڤەکولینە دێ ل چار جهێن بەلافکرنێ ب رێیا IEEE Xplore و AIP هێنە بەلافکرن کو 2 ئەوان جهێن بەلافکرنێ سکوپسن و. و ئێک ژDOAJ و یا دى ژى DOI.