شاندەکا پەیمانگەها مێرگەسورێ سەرەدانا پەیمانگەها ئامێديێ كر بو مفا وه‌رگرتن ژ ئه‌زموونا وێ
ئەڤرو روژا پێنج شەمبی رێکەفتی ٢٠٢٢/٨/٤ شاندەک ژ پەیمانگەها تەکنیکی یا مێرگەسورێ ب سەروکاتیا بەرێز طالب محمد شریف عمر راگرێ پەیمانگەها ناڤبری، سەرەدانا پەیمانگەها تەکنیکی یا ئامێدیێ کر و ب گەرمی ژ لایێ پ.ه.د.هکار زکی راگرێ پەیمانگەهێ و ماموستا بنار امین هاریکارێ راگرێ پەیمانگەها مە ڤە هاتنە پێشوازیکرن.
مەرەم ژ سەرەدانا شاندێ پەیمانگەها تەکنیکی یا مێرگەسور بو پەیمانگەها ئامێدیێ ئەوبوو کو ئەو ئەزموونا چەندین سالە ل پەیمانگەها مە دهێتە پەیرەوکرن و رێڤەبرن مفا ژێ بهێتە وەرگرتن و ئەو شیان و ئەزموونا د بوارێ پراکتیکی و زانستی و ستافێ کاریدا ل پەیمانگەها مە هەیە، هەمان ئەزموون و کار بو پەیمانگەها مێرگەسور بهێتە ڤەگوهاستن و هەماهەنگی دناڤبەرا هەر دوو پەیمانگەهاندا هەبیت ژ هەمی روویەکێ ڤە بو پتر پێشخستن و سەرخستنا ئاستێ زانستی ل کوردستانێ.
دڤێ سەرەدانێ دا شاندێ ناڤهاتی دنڤا ئاڤاهیێ پەیمانگەها مەدا گەریان و سەرەدانا هەمی پشکێن زانستی و هولێن خواندنێ و لابورێن کومپیوتەری و تاقیگەهێن پەیمانگەهێ کرو ژ لایێ سەروک پشک و ماموستایێن پەیمانگەهێ ڤە پێناسە و هول و ئامیرێن پراکتیکی بو شاندێ ناڤبری دانە نیاسین و خویاکرن. شاندێ پەیمانگەها مێرگەسورێ ژی خوشحال بوون ب وێ پێشکەفتن و ئەزموونا سەرکەفتیانە یا پەیمانگەها تەکنیکی یا ئامێدیێ پەیرەو دکەت، خویاژیکرن کو ئەو ڤێ ئەزموون و شیانێن ئەڤرو ل پەیمانگەها ئامێدیێ دیتی ب هاریکاری و هەماهەنگیا وان دێ ل پەیمانگەها مێرگەسورێ پەیرەو و جێبجێ بکەن.
راگەهاندنا پەیمانگەهێ