روژا ئێکێ یا وورکشۆپا کارگێرێ ل زاخۆ هاتە برێڤەرن


2022-06-05 01:02:18

لژێر چاڤدێریا (پ. د. ئارى عادل) سەرۆکا زانکۆیا پۆلیتەکنیکى یا دهۆک و ب سەرپەرشتیا (د. عبدالحکیم عثمان محمد) راگرێ کۆلیژ و پەیمانگەھا تەکنیکی زاخۆ / پشکا کارگێری کار و بھەڤکاری دگەل ئیدارا سەربەخۆیا زاخۆ، وورکشۆپەکا دوو رۆژى ب ناڤ و نیشان (لێھەڤکرنا کارێن کارگێری و گرنگیا وان بۆ یەکەیان و فەرمانگەھێن میری) ل پەیمانگەھێ تەکنیکی زاخۆ رێکخست.
ب مەرەم بلندکرنا ئاستێ رەوشەنبیریا کادرێن ل دام و دەزگەھێن میری کاردکەن د چارچوڤێ رەوشت و سروشتێ ئەرکێن پێ ھاتنە راسپاردن و لدیڤ پیڤەرێن یاسایێن خزمەتا شارستانی د رێڤەبرنا کاری دا، ئەڤرو روژا ئێک شەمبى رێکەفتى 5/6/2022 لدەمژمێر 9:00 سپێدێ و ب ئامادەبوونا (پ. د. ئاری عادل) سەرۆکا زانکۆیا پۆلیتەکنیکی یا دھۆک و (م. مشیر محمد)ھەرێمدارێ  دەڤەرا زاخۆ، و (د. عبدالحکیم عثمان محمد) راگرێ کۆلیژ و پەیمانگەھا تەکنیکی زاخۆ و هەردوو هاریکارین راگری بەرێز (پ.هـ.د.عمار عصام ادریس) و بەرێز (م.نەشوان محمد صالح) و ژمارەکا رێڤەبەر و بەرپرسێن یەکەیان و فەرمانبەرێن کۆلیژ و پەیمانگەھا تەکنیکی زاخۆ ئێکەم روژا وورک شوپێ ل ھولا سمیناران بۆ زێدەتر ژ 95 فەرمانبەران هاتە برێڤەبرن
پەیڤا دەستپێکێ و بخێرهاتنێ ژلایێ راگرێ کۆلیژ و پەیمانگەھا تەکنیکی زاخۆ ھاتە خواندن و تەکەزى ل سەر کارێن هەفپشکێن کولیژ و پەیمانکەهێ و ئیدارا سەربەخویا زاخۆ کر، و دیڤدا سەرۆکا زانکۆیێ گوت: ئه‌گه‌ر به‌ری چه‌ندین سالان رێڤه‌برن بتنێ‌ رامان ژێ‌ برێكرنا كاروبارێن روژانه‌ یێن ده‌زگایه‌كی بیت، نوكه‌ ئه‌ركێ‌ سه‌ره‌كی یێ‌ كارگێریێ‌ پلانێن مكومن بو گه‌هشتن ب ئارمانجێن دوور و نزیك یێن ده‌زگه‌هی، هەروەسا هەتا پلان بگه‌هیته‌ جهێ‌ مه‌ره‌مێ، پێدڤیه‌ كار لسه‌ر وێ‌ پلانێ‌ بهێته‌كرن ژبو بجهئینانێ‌.
وژڵایەکێ دیڤە تەوەرێ ئێکێ یێ وورک شوپێ لژێر ناڤ و نیشان کارگێری دارایی ژلایێ( د. نادر رمضان یونس) سەرۆک پشکا کارگێری کار ڤە هاتە برێڤەبرن و تەوەرێ دووێ یێ وورک شوپێ ژ ڵایێ (م. علی عبدالطیف عبدالله) نوینەرێ مامۆستایان ڤە پێشکێشکرن.
دهێتە چاڤەرێکرن سباهى روژا دوو شەمبى رێکەفتى 6/6/2022 بەردەوامى ب تمامەتیا وورک شووپێ بهێتە دان و ل دەمژمێر 9:00 سپێدێ (م. چیا عصمت دینو) دێ تەوەرێ کارگێری قەیرانا پيێشکێشکەت و ل دەمژمێر 1:00 نیڤڕو دێ تەوەرێن رەوشتێن کاری ژلایێ (م. دلوڤان امین سلمان) هێتە شروڤەکرن .

بو زانين 98 بەريز و خانم بەشداربى د ڤى ورك شوبى دا.

 

راگەهاندنا كوليژا تەكنيكى يا زانستين پترول و كانزا - زاخو 

 

© Copyright Duhok Polytechnic University (DPU) - All Rights Reserved

Website Admin: Sarbast Ali