رويدان

ل پەیمانگەها تەکنیکی کارگێری دهۆک، ئەڤرو روژا دووشەمبی 30-5-2022  تاقیکرنێن خولا دووێ بو قوتابیێن خواندنا سپێدە و ئێڤاران دەستپێکرن.

ب بەرهەڤ بوونا لژنا بلندا ئەزموونا ب سەرۆکاتیا (پ.ھ.د. جمال علي حسن) راگرێ کۆلیژا تەکنیکی ئەندازیاری دهۆک دگەل (پ. د. هادی خلیل اسماعیل) راگرێ پەیمانگەهێ ب چاڤدێریا لژنا ئەزموونا ل دەمژمێر 9:30 سپێدێ تاقیکرنێن خولا دووێ بو هەر دوو سمستەرێن ئێکی و دووێ دەستپێکر.

پشتی دیتن و شروڤە کرنا مکانیزما ئەزموونا ژ لایێ راگرێ پەیمانگەهێ، د.جمال علی سەبارەت رەوشا ئەزموونا بو مە دا دیار کرن کو تاقیکرن ب سیستەمەکێ رێکخستی د هێنە ئەنجام دان و دەستخوشی ل راگر و ستافێن لژنا ئەزموونا کر و بو قوتابیان هیڤیا سەرکەفتنێ خواست.

هەر وەسا ل دویف چندین پرسیارەێن مە (ماموستا رێڤینگ محمد سلیم) سەروکێ لژنا ئەزموونا دەربارەی دەمێ ئەزموونا گوت: "هەر ژ ئەڤرو تا روژا پێنج شەمبی 9-6-2022 ئەزموون دێ بەردەوام بن و هەر وانەیا تاقیکرنا تیوری و پراکتیک هەبیت، هەر دوو تاقیکرن ل هەمان روژا خشتە دا هاتینە دیار کرن، دهێنە ئەنجام دان".

ناڤبری د درێژاھیا ئاخفتنێن خودا دیارکر، پێدڤیە هەر قوتابیێ ل خولا دووێ، باجا تایبەت ب ئەزموونا د گەل خوە بینیت و هەر دەم قوتابی ئەزموونا خوە یا دوماهیێ ئەنجام دەت، باجا خوە رادەستی چاڤدێران بکەتن.

راگەهاندنا پەیمانگەها تەکنیکی کارگێری دهۆک