پێنچ خوازیاران ناسناڤێ زانستى وەرگرت
پشتى هەمى مەرج و پێدڤێن یاسایى یێن وەرگرتنا ناسناڤێ زانستى بجهئیناین، هەر چوار هەلگرێن باوەرناما ماستەرێ و هەلگرەکێ باوەرناما دکتورایێ سمینارێن بسپوریێن خۆە ل سەروکاتیا زانکۆیا پۆلیتەکنیکى یا دهوک پێکشکێشکرن
ئەڤرو روژا چوار شەمبى رێکەفتى ٢٠٢١/١٢/٢٢ کومبوونا حەفتێ یا لیژنا ناسناڤێ زانستى یا پێک هاتى ژ (د. فرست علی شعبان) سەرۆکێ لیژنێ، و (د. ژیار محمد ناجي) ئەندام، و (د. شاکر حسین ابراهیم) ئەندام، و (د. شيماء ابراهيم محمد) ئەندام، (د. حاتم حسن اسماعيل) ئەندام، و (د. شرین سلیم صادق) ئەندام، و (م. حنان عبدالرحمن طاهر) ئەندام و (رێژار عمر اسماعیل) بریاردەرێ لیژنێ، هاتە برێڤەبرن
و ب پێگریکرنا رێنمارێن ساخلەمی یێن خو پاراستنێ ژ ڤایروسێ کورونایێ، گەنگەشە لسەر سمینارێن هەلگرێن باوەرناما ماستەرێ (نصار حسن الیاس، سربست عبدى خدر، بدرخان سعید رشید، وعدالله غانم حاجی) و هەلگرێ باوەرناما دکتورایێ یا (د. یاسر خضیر شنشول) هاتەکرن، و سەرۆک و ئەندامێن لیژنێ، ناسناڤێ ماموستایێ ھاریکار و ماموستا ب خوازیاران بەخشین.